XRISTEǁÎN ÛIǀGAUB
‘ǃHūb’ ge “ǃāba ge hara”
ǃKharu gere kurigu ǃnâ gu ge ǂhanuga ǂgui ǃnāde Jehovab kheona ge hui hâ-i. (Esr. 6:1-12; Est. 8:10-13) Sida ûi hâ ǁaegu ǃnâs tsîna da ge ra mû matib “ǃhūba”—nē ǃhūbaib ǃâgu hîna a ǁnâuǃāxaga ra ǂnûǁkhaebab—“ǃāb” khama tsâ ǁgâiǀāb hîna “draki,” Satanni xa ra ǃkhōdanaheba ra hara ǀgauba. (J.ǂHa. 12:16) Jehovab ge “ǃgâiǃōsib di Elose” ǀnî ǁaega ǂgaeǂgui-ao ga ra sîsen-ū, îgu ǁÎb di khoena ǃnora kai.—Psa. 68:20; ǂKhm. 21:1.
O, sadu ǂgoms ǃgao du ga ǃkhōsis ǃnâ a ǂganamǂnûihe os? Jehovab ge sado ra kōǃgâ, ǁnasa du ge a ǂgomǃgâ ǁkhā. (Gen. 39:21-23; Psa. 105:17-20) ǂÂis ǃnâ ūhâ re sadu ǂgoms ǃgao du ge nî mādawa-amhe, tsî sadu ǃgâi aiǁgaus ge ǃhūbaib ǂhawase hâ ǃgâsana ra ǂkhâǃnâ.—Fil. 1:12-14; J.ǂHa. 2:10.
KOREAB ǃGÂSAGU GE ǃKHŌSISA XU GE XU-E DI HÂ VIDIOBA ǀHURU TSÎ SAO RA DÎDE ǃEREAM RE:
-
ǂGui ǃgâsagu hîna Suid Koreab ǃnâ hâ ga tae-i ǃaroma ǃkhōsis ǃnâ ge re ǂganamǂnûihe?
-
Mâ mîǁguigu hîna ge ǁnâuǃgâǃkhaib ǃnâ a dīhe ga ge ǃaroma, i gu nē ǃgâsaga ǃkhōsisa xu xu-e?
-
ǃHūbaib ǂhawase hâ ǃgâsan hîna nētsē ǁîn ǂgoms ǃaroma ǃkhōsis ǃnâ ǂnôana da mati a hui ǁkhā?
-
Nēsi da ūhâ ǃnorasasiba da mati a sîsen-ū ǁkhā?
-
Ham-e amabes ǃnâ sida ra dan ǁhōgu hoaga ra ǃaroma?
Ti ǃnorasasiba ta mati ra sîsen-ū?
