2018ǁÎ kuriba xu i ge sida khoena ra mā ǂkhanikha, ǀgui danaǃhoaǃâs ǀguisa ūhâ. Tsî nē ǂkhanikha tsîn ge ǁkhāǁkhās boksis di ǃâ. Aoǁnâ sîsenni ǃnâ sîsen-ū kha re. Stors ǀkha da ga ī o, os tsîna da ge a sîsen-ū kha ǁkhā. Nē ǂkhanikha ge dīhe tama hâ îts khoe-e Elobmîsa ǁkhāǁkhā. Xawe khoe-i di turaba a kaikai ǁkhā gagasi xūn ǃnâ.

ǁGamǀhao-e du ga tsoatsoas khaoǃgâ, khoe-e xoa-e khomaiba tsî ǁî-e a ǃgâiba ǂkhanib di danaǃhoaǃâsa mîba re. Aiǁgause, î ga khoe-e omarisa ūhâ, tamas ka io ǃoab xa ǃaromahe hâse ǂkhabuǂâi o. O du ge a mî ǁkhā, “tita ge ǁnās xa ǃgâi xū-e ge khomai hâ-i. Hā re, î da ǁgau du.” Mû du ga o, ǃgâibahe i asa, o du ge ǂkhaniba a mā ǁkhā. Tamas ka io internets ǃnâ-ū link-e a sîba ǁkhā. ǂKhanina māǂui mâs ge sida ǃgaoǃgao tama. Xawe nē ǂkhanin ge ra hui da, î da ǁnân hîna ǁkhāǁkhāsenan go xūna ra dī ǂgaona hō.​—ǃNǃkh. 13:48.