ǀHaohâba xu ǃgâsa-e ǂnûiǂuis ge, ǀhaohâb ǃnâ hâ ǃgâsana ra ǁkhauba. Tsî ǃhausen ǂgao tama ǃgâsa-i ǁnamas ase ī. (1Kor. 5:6, 11) ǁNāsa da ga ǂkhâǃnâ o, o da ge Jehovaba ǀnamma ra ǁgau. O, ǁnāsa mati a ama, ǃgâsa-i ga ǂnûiǂuihe o.Tsûtsûsa i ga xawe? Tsî ǁnā ǃgâsa-i ga sida di ǀaokhoe o?

Jehovaba da ge ǀnamma ra ǁgau tsî ǁîb mā da hâ ǁgaragu tsîna ra ǃgôaǃgâ. (1Pet. 1:14-16) Tsî ǂnûiǂuihe go khoe-i tsîna da ge ǀnamma ra ǁgau. ǀGaisa ǁnamas ge ra tsûtsû, xawe “ǂhanu-aisib di ǂkhîxa ǂû-e ra” mā. (Heb. 12:5, 6, 11) ǀHaohâba xu ǂnûiǂuisa khoe-i ǀkha da ga hâǀhao tsî ǃhoaǀhao o, o da ge Jehovab mā hâ ǁnamasa ūǃoa tama. Nēs ge ǁnān hîna sîǂkhani-e xoa tsî ǁîn ge Jehovaba ǃoaba ǂgao tama hâ di ra mîn tsîna ǃkhōǂgā hâ. ǂÂis ǃnâ ūhâ re, Jehovab ge ǁîb ǃoaba-aona ǃgâi ǀgaub ǃnâ ra “ǁkhara.” (Jer. 30:11) Jehovab ǁnamade da ra ǂkhâǃnâ hîna, gagasise kōǃgâsen re. Mûǂuis tsîna da ge ra dī, ǂnûiǂuisa khoe-e Jehovab tsî ǀhaohâb ǃoa oaǀkhīsa.—Jes. 1:16-18; 55:7.

ǂGOMǂGOMSASE H RE, ǀGUIǃNÂXA ǂGAOB ǀKHA DI H VIDIOBA KŌ TSÎ SAO RA DÎDE ǃEREAM RE:

• ǁGûna tae-i tsûba a hōǃâ ǁkhā, ǁîn ǀgôa-i ga ǂnûiǂuihe o?

• ǀHaohâba mati ǂgomǂgomsa omaris ǁanina a hui ǁkhā?

• Mâ Elobmîs aiǁgausa Jehovab ǃoa-ai ǂgomǂgomsase hâsa ra ǁgau, familin xa?

• Mati da Jehovab ǃoagu ǂgomǂgomsase a hâ ǁkhā, familin xa?