Jesub ge ǃhūbaib ai hâ i o, ob ge sao ra mîmāsa ge mā mî rasa: “Saob tsî saos tsîrats ge nî ǃgôa.” (Eks. 20:12; Mat. 15:4) ǁÎb ge ǃnorasase ǁnāsa ge mî ǁkhā i, ǂkhamsisa xub ge ǁîb ǁgûra gere “ǁnâuǀnam” xui-ao. (Luk. 2:51) Kai khoe kaib ge o, ob ge ǁîb ǁōb aiǃâ ge mî îs ǁîb ǁgûsa kōǃgâhe.—Jhn. 19:26, 27.

Nētsēs tsînan ga ǂkham Xristeǁî ǀgôana ǁîn ǁgûn ǀkha ǃgôasib ǃnâ ǃhoa o, on ge ra ǁgau ǁînan ra ǃgôa ǃkhaisa. Sida ǁgûna ǃgôas ge ǀam-e ūhâ tama hâ. Sida ǁgûn ga kaira xawe da ge noxoba ǁîna nî ǃgôa tsî ǁîn gā-aisiba xu nî ǀama. (ǂKhm. 23:22) Sida di ǁgûn khoexaǃnâ tsâsib tsî marisi ǂhâsib tsîkha da ge nî kōǃgâ kairan ga o. (1Tim. 5:8) Nēsi da ga ǂkham tamas ka io kai khoe i xawe da ge sida ǁgûn ǀkha ǃgôasib ǃnâ hoaǁae nî ǃhoa. ǁNās ge nî ǁgau ǁîra du ra ǃgôa ǃkhaisa.

KŌ RE ǃURI XOA-AIHE RA ǂHAWEB VIDIOBA MATI TA TI ǁGÛRA ǀKHA A ǃHOA ǁKHĀ? TI HÂBA TSÎ SAO RA DÎDE ǃEREAM RE:

• Tae-i ǃaroma du a ǃgombahe ǁkhā sadu ǁgûra ǀkha ǃhoasa?

• Mati du sadu ǁgûna a ǃgôa ǁkhā, ǁîn ǀkha du ga ǃhoa o?

• Tae-i ǃaroma i a ǃgâi sadu ǁgûn ǀkha ǃhoasa? (ǂKhm. 15:22)