Kaise îxa blomrodi ǃoa du ga kō tamas ka io ǀgamiron xa ǀoahâ ǀhomma ǃoa tamas ka io îsa ǁgammi ǀausa ǃoa, o du Kuru-aob ǃomkha nēs ǃnâ mû tama hâ? Kurusa xūn sada ǂnāmipe da ra mûn ǃnâ-ū da ge Jehovab mûheǁoasa īsiba ra mû. (Rom. 1:20) ǁAeroba-ū tsî da ga mû da ra xūn ǃoa ǂâis ǀkhā kō o, o da ge Elob ǀgaib, ǀnammi, gā-aisib, ǂhanu-aisib tsî māsenxasib tsîna nî mû.​—Psa. 104:24.

Mâ xūn Jehovab kuru hâna du tsēs hoasa ra mû? Kai ǃā-i ǃnâ du ga hâ xawe du ge hain tsî aniron tsîna a mû ǁkhā. Jehovab kurusa ǂōrisase kōs ge nî hui da sada ǃgomsina ǀoroǀoros ǀkha. Tsî ǂhâǂhâsa xūn ai ǂâisa ǂnûi tsî ǂgomsa Jehovab ǀamosib kōse nî kōǃgâ dasa. (Mat. 6:25-32) ǀGôana du ga ūhâ o, o hui nî re in Jehovab mûheǁoasa īsiga mûǂan. Sadu ǂnāmipe hâ xūna du ga ǃgôaǃgâsiba omkhâiba o, o du ge sadu Kuru-aoba ǃoa nî ǀgū.​—Psa. 8:3, 4.

KURUS GE ELOB ǂKHAISIBA RA ǁGAU​—ǃNÂB TSÎ KLEUR-I DI HÂ VIDIOBA KŌ TSÎ SAO RA DÎDE ǃEREAM RE:

• Matin kleur-e ra kuruǂui xūna a hui da ǁkhā kleur-e ǃgāsase mûsa?

• Tae-e îsa ǃkharagagu kleurna ra kuruǂui?

• Tae-i ǃaroma da ǃkharagagu kleurna ǀhom-aib ai ra mû?

• Mā îsa kleurna du kurus ǃnâ sadu omdi ǂnāmipe ra mû?

• Tae-i ǃaroma da ǁaeba ū tsî kurus ǃoa nî kō?