Jehovab ge ǃgammeba kaise ǂhâǂhâsase ra mû. Aob ge taras ai nî ǂgāmâisen tib ge ra mî. (Mat. 19:5, 6) Elob khoen ǁaegu i ge ǂgui aiǁgaude hâ ǂkhîba ūhâ ǃgammegu di ga. ǀOasa ǃgamme-i ge a ǀkhaī. ǃGomsin ge a hâ ǁkhā. Tā da ge ǃhūbaib khoen khami ǃgomsin ga ra hâ o, ǀgoras tsî ǃgammeba khôas a ǃeream di nî ǂâi. Matin ǃgamme hâ Xristeǁîna ǁîn ǃgammega nî ǁkhauba?

Koro ǂhâǂhâsa xūna ǃoa kō re.

1. Sadu ǂgaoba ǁgauba re i tā ǁâǁâsen tsi ǃgâi tama ǁoaxa ǁaeb hîna sadu ǃgammeba nî ǂkhabu kaiba xu ǂōsen re.—Mat. 5:28; 2Pet. 2:14.

2. Sadu ǀhōsagusis Elob ǀkhā du ūhâsa ǀgaiǀgai re, i sadu ǃgammeb ǃnâ ǁîba ǁnâuǀamsa mîǁgui.—Psa. 97:10.

3. Î du ǀasa khoeba ana tsî sadu aob tamas ka io taras ûiba nî supu kai ǂkhari ǃgâi xurona dībagu.—Kol. 3:8-10, 12-14.

4. ǃGôasib ǀkhā ǃhoas tsî ǃgâise ǁnâuǃāgus tsîna ǃkhoǀgara re—Kol 4:6.

5. ǃGammeba a ǃgâiba xūna ǀnami ǃnâ dī re. —1Kor. 7:3, 4; 10:24.

Xristeǁîn ga ǃgammeba ǃgoasiba ǁgau o, on ge ǁîna Jehovaban ra ǁnauǀnamsa ra ǁgau, ǁîb hîna ge ǃgammega ǂnûiǂgāba.

VIDIOBA ǀHURU RE ‘ǃKHOEǀHÛGUSA ǀAMS KŌSE ǃKHOE RE’—ǀHÛGUS DI ǁGARAGA ǁGAUǀAM RE DI HÂ BA TSÎ SAORA DĪDE ǃEREAM RE:

• ǃGammeb ga ǃgâise tsoatsoa xawe, mâ ǃgomsina a hâ ǁkha?

• Elobmîs tsoatsoade mati ǁnan hîna ǀnamoǃnâ ǃgammen ǃnân hâ khami ra tsâna a hui ǁkha?

• Jehovaba mâ ǂhanuga ǃgammegu ǃgao ge ǂnûiǂgā?

• Khoe-aogura tae-e nî dī ǁîra ǃgammeb ǃnâ ra ga ǂkhîba ūhâ ǂgao o?