ǃHūbaib hîna, tsūb a ǃgâi tsî ǃgâib a tsū ti ra mîb ǃnâ da ge ûihâ. (Jes. 5:20) ǀNî khoen ge Jehovab ǃhui hâ xūna ra dī. Aiǁgause aore khoegu hîna aoregu ǀkhā ra ǁgoegu tsî tare khoedi hîna tare khoedi ǀkhā ra ǁgoedi. Skooli ǀhōsan ge sada ǀgôarona a ǂgaeǂhabu ǁkha în ǁîna sao-ai. Mati du sadu ǀgôana nî aiǂhomi nē ǃgomsinan ga hōǃâ o?

Sadu ǀgôana Jehovab di ǀgauba ǁkhāǁkhā re. (Lev. 18:3) ǁÎna mîba re Elobmîs tae-e ǁgoe-ūgus xa ra mîsa. ǁÎna du ra mîba xūn ge, mati go kurixan a sa xu nî hâ. (Deu. 6:7) Dīsen re: ‘Ti ôana ta ǀnaman ǃgâi ǀgaub ǃnâ nî ǁgau ǀgausa ra ǁkhāǁkhā, ǃamku sara-anas tsî ǂhâǂhâsasib nau khoen ǁîna ǃgôasiba nî ǁgaus diba? Ti ôana ǂan-e khoe-i ga ǀōǀkhā khoen vidioga ǁgau nî on tae-e nî dīsa, tamas ka ion ga Jehovab ǃhui hâ xūna dī kaihe o?’ ǂAns ge nî hui nî în tā ǃgomsin ǃnâ ǂgâ. (ǂKhm. 27:12; Aoǁn. 7:12) Sadu ôana du ga ǁkhāǁkhā o, o du ge ǀnama Jehovaba xu da ra hō ǀumisa ra ǁgau.—Psa. 127:3.

VIDIOBA ǀHURU RE HÂHÂ NÎ OMSA OM RE—ǀGÔANA ‘ǂKHABABA’ XŪ SÂU RE DI HÂ BA TSÎ SAO RA DĪDE ǃEREAM RE:

• Tae-i ǃaroman ǀnî ǁgûna ǁîn ǀgôana ǁgoe-ūgus xa ǁkhāǁkhāsa ra sau?

• Tae-i ǃaroma i ǁgûna ǁîn ǀgôana ‘ǃKhūb ǂgōǀaus tsî ǁnamas tsîra ǃnâ nî kaikai’?—Efe. 6:4

• Jehovab ǀapeǂhomisa tae-e ǁgûna ge mâ, ǁîn ǀgôana huisa ǁgoe-ūgus xa?—w19.05 12, boksis

• Tae-i ǃaroma du sadu ôan ǀkha hoaǁae nî ǃhoa, ǃgomsinân nî hōǃâs aiǃâ?