XRISTEǁÎN ÛIǀGAUB
Nēsi aiǂhomisen re ǀaeǃkhōs ǂōǂōsib ǃaroma
Tae-i ǃaroma da nî aiǃhomisen? ǀAeǃkhōs di ǂōǂōsib ge ǃâubasen tama da hâ hîna a hā ǁkhā. ǁNā-amaga ǂōǂōsi i nî hās ais ai, ǁkhā du a i hoa-e dī re î du huiba hō. Tsî ǃgâi ǀaeǃkhōsa hō ǁnās ga ī o. ǁNāsa du ga dī o, o du ge ǃgôasiba ûiba ra ǁgau. Tsî ǁnās ǀkhas tsîna Jehovab ǂhanub ǀaob ǃoagu hâb tsîna ra ǁnâuǀnam.—ǃNǃkh. 15:28, 29.
Tae-e du nî dī aiǂhomisens ǃaroma?
-
ǃGâise tsî ǀgore hâse (DPA) karkiesa xoaǂgā re. a ǁĀǁnâsa ǃgâsan ge ǂkhinina ra mûǂam ǃgâsab tawa DPA karkiede a hōǁkhā aitsama. Tsî Identity Card (ic) tamas ka io, id karkiedi tsîna ǁîn di ǂkham ǀgôaron ǃaroma
-
Tsî ǀgamǀkhā du ga o, o du ge ǀhaohâb ǃûi-aogu ai Information for Expectant Mothers (S-401) di hâ ǁgâiǁnâsa ǂkhiniba a ǂgan ǁkhā. Nē ǂkhinib ge nî hui du î du ǃgâi mîǁguiga ǀaeǃkhōs xa hâ xūn xa dī, ǀgôa-e hōs tawa i ga ǃgomsiba ga ra hâ ǁaeb ai
-
ǀNîsi du ga ǀaob ǀkha ǃgaeǁaresa ūhâ ǀaeǃkhōs tamas ka io hospitals ǃnâ ǁgoe khaihe o. Sadu ǀhaohâb ǃûi-aoga ais ai mîba re. Tsî hospitals di khoen tsîna mîba re Jehovab di ǃoaba-aon nî sado sarisa
Mati gu ǀhaohâb ǃûi-aoga a ǂkhâǃnâ ǁkhā? ǁÎgu ge a hui du ǁkhā î du sadu di DPA karkiesa xoaǂgā. Xawe gu ge ǀhaohâb ǃûi-aoga ǀaeǃkhōs xa hâ mîǁguiga dība du tide. Tamas ka io mâ khoe-i hoa i a mîǁgui ǁkhā xūna mîǁgui tide. (Rom. 14:12; Gal. 6:5) Sadu ǀhaohâb ǃûi-aoga du ga mîba o ǀaeǃkhōs hîna ǀaoba ǃkhōǂgā hâs ra khâisa. O gu ge ǁîga hospitals ǀkha ra sîsen ǀhao komitesa (HLC) nî ǂanǂan sadu ǃâb ǃnâ.
Hospitals ǀkha ra sîsenǁae komitesa mati ra hui? ǃGâsagu hîna hospitals ǀkha ra sîsenǁae komites ǃnâ hâ gu ge ǁkhāǁkhāhe hâ. Î gu hui ǀaeǃkhōs di ǃâb ǃnâ hâna, în ǁnâuǃā sida di ǂgoms di mâ ǃkhaisa ǀaob xa i ga hâ o. ǁÎgu ge ǀaeǃkhōs xa hâ ǀgaugu xa a ǃhoa ǁkhā hîna ǀaoba ǁaihesa a ǁkhae ǁkhāga. Tsî i ga ǂhâbasa o, o gu ge ǁîga a hui du ǁkhā î du ǀaob ose a ǀaeǃkhō du ǁkhā doktera hō.
MATI DA ǀAOB XA HÂ ǀAEǃKHŌ ǀGAUGA NÎ MÎǁGUI, TI ǀON HÂ VIDIOBA ǀHURU. TSÎ ǁNĀPAXU SAO RA DÎDE ǃEREAM RE:
-
Tae-e du go ǁkhāǁkhāsen nē vidioba xu hîna go hui du-e î du aiǂhomisen ǀaeǃkhōs ǂōǂōsib ǃaroma ǀaoba ǃkhōǂgā hâ-e?
a ǀAmosib kōse ǃgâiaǂgao re ǂkhinis di 39ǁî ǁkhāǁkhāǃâs ge hui du ǁkhā, î du ǃgâi mîǁguiga dī ǀaeǃkhōs xa hâga ǀaoba i ga ǃkhōǂgā o.
