Elobmîs ǃnâ i ge ǂgui aiǁgaude hâ. Jehovab ge khoen ǀgorede a ǃeream ǀgaus xa. Jehovab ǃoaba-aon ge mû o. Matib ǁîn ǀgorede ǁnaû-am tsî ra hui nî ǀgausa. Os ge nēsa ǁîn di ǂgomsa ge ǀgaiǀgai. ǁNā-amaga i ge a ǂhâǂhâsa, î da ǂhâ da hâ xūn hoana Jehovaba mîba. Tsî ǁîb ta ǃeream da ǀgausa ôa. ǂÂis ǃnâ ūhâ re, ǁîb di ǃereams ge ǂgan da go xū-i xa a ǀkhara ǁkhā. Tamas ka io a ǃnā ǁkhā. (2Kor. 12:7-9; Efe. 3:20) Jehovaba tae-e a mā da ǁkhā ǃereams ǃnâ-ū?

• Sorosi tsî gagasi ǀgaiba ra mā da. Tsî sida tsâsigu ǀkha ra hui da. Î da ǃgomsi-e tani ǁkhā.—Fil. 4:13

• Gā-aisiba ra māda, î da ǃgâi mîǁguiga dī.—Jak. 1:5

• Turab tsî ǀgaib xū-e dīs diba.—Fil. 2:13

• ǃNomsasib ǂâiǂhânsen da ga ra o.—Fil. 4:6, 7

• Sorosise tamas ka io sida tsâsigu ǀkha huihe, nau khoen xa.—1Jhn. 3:17, 18

• ǀGoreba da ra khoena huis ǃnâ-ū.—ǃNǃkh. 12:5, 11

JEHOVAB GE ‘ǀGOREDI, DI ǁNÂU-AM-AO’, TI ǀON HÂ VIDIOBA ǀHURU. TSÎ ǁNĀPAXU SAO RA DÎDE ǃEREAM RE:

• ǃGâsab Shimizub di aiǁgausa mati a ǂkhâǃnâ da ǁkhā. ǀAeb mâsiba da ga hōǃâ ǁaeb ǃnâ?

• ǃGâsab Shimizub aiǁgausa da mati a ǁgae ǁkhā?