Sada ǀgaiba da ge ǃgâise nî sîsenū. Mîǁguiga da ga dī o, mati da Jehovaba ǃnāsase nî sîsenbasa. (1Kor. 9:26) Mîǁguiga da ga dī o, o i ge nî hui da. Πda ǃgau hâ ǁaeba gā-aise sîsenū, ǀams nî hās aiǃgâ. (Efe. 5:15, 16) Sadu omaris ǃoabas ǃnâ du ge a ǃhoaǃgao ǁkhā. Mâ mîǁguiga du ǃgoaxa kurib ǃaroma a dī ǁkhāsa. Sado ǂkhâǃnâs ǃaromab ge nē sîsen ǂkhaniba hâ. Î du dī ǁkhā du a mîǁguigu xa ǃhoaǃâde ūhâ. Tsî ǂâiǃgârase ǀgore tsî mîǁguiga dī.—Jak. 1:5.

Aiǁgause, omarisa a sîsenǀhao ǁkhā i i ǀgui khoe-e ǁnaetisa aimâba-ao kai? ǂGaoǀkhāhe hâ irga du sīǃnâ tide ti du ga ǂâi o. Sadu ǀkha ǀgui mâsiga ūhâ khoe-i, hîna ǁnaetisa aimâba-ao-i ase ra ǃoaba i ǀkha ǃhoa re. (ǂKhm. 15:22) ǀNîsi du ge aimâba-ao-e, sadu omaris ǃoabasa ǃoa ǁkhau tsî a dîǃnâ ǁkhā. ǁNāpaxu du ge ǀapeǁguiba a xoamâi ǁkhā. ǃKharu ge ǁaeb ǃnâ du ge ǁnaetisa aimâba-ao-i ase gere ǃoaba o. ǂÂiǃgâ re sadu mâsib a mā-am du ǁkhāsa î du ǁkhapa ǁnāsa dī.

Sadu omaris di khoe-e huiǃnâ ra aimâba-ao-i ase ǀgui, tamas ka io ǃnāsa ǁkhâga a xoaǂgâsen ǁkhā? ǂKhabusase du ga tsâ xawe. Du ge mâ tsēs hoasa du ga ǃnubu ǁaeroba aoǁnâ sîsen-e a dī o. Huiǃnâ ra aimâba-ao-i ase a ǃoaba ǁkhā. Wekheb ǁaegub ǃnâ du ga ǃnāsase aoǁnâ sîsen-e a dīǁoa o. Hoa tsēde du ra sîsen. Tamas ka io du skola ǃoa ra ī amaga. O du ge sâtsēde ūhâ, tamas ka io koro naweekde ūhâ ǁkhâba a ǁhûi ǁkhā. Kalenders ai xoamâi re mâ ǁkhâba du, huiǃnâ ra aimâba-ao-i ase ra sîsen ǂgaosa. Tsî ǀapeǁguiba xoaǁgui re.—ǂKhm. 21:5.

ǁKHOAǂGAOXA AIMÂBA-AO RE, TI ǀON HÂ VIDIOBA ǀHURU. TSÎ ǁNĀPAXU SAO RA DÎSA ǃEREAM RE:

• Jehovab ge aimâba-aon hîna ǁkhān a i hoa-e ra dīna, ǀnamxaǃnâ ǀgaub ǃnâ ra kōǃgâ. ǃGâsas Aamands di aiǁgausa mati nēsa ra ǁgau?