Jehovab ge ra ǂhâba i di omaride ǂkhîba ūhâ. (Psa. 127:3-5; Aoǁn. 9:9; 11:9) Xawe i ge sida ǂkhîba nē ǃhūbaib tsî omaris ǁanin di ǃgomsigu xa a tsâǀkhāhe ǁkhā. Tae-e i mâ khoe-i hoa-e a dī ǁkhā, î-i ǂkhîba omaris ǃnâ ǀaro?

Aob ge ǁîb tarasa ǃgôasib ǃnâ ra hâ-ū. (1Pet. 3:7) ǁÎb ge ǁîs ǀkha ra hâ ǁae. ǁÎsa xub ra ǃâubasen xūn ge a ǁnâuǃāxa. Tsîb ge ǁîb di ǃgôasiba ra ǁgau ǁîb tsî omaris ǃaromas ta dī xūn xa. (Kol. 3:15) ǀNamsib asa mîba si tsîb ge ra koasi.—ǂKhm. 31:28, 31.

Taras ge ǀgauga ra ôa ǁîs di aobas a ǂkhâǃnâ ǁkhāga. (ǂKhm. 31:12) ǁÎs ge ǁîb ǃnaka hâ tsî ǁîb ǀkha ra sîsenǀhao. (Kol. 3:18.) ǁÎb ǀkhas ge ǃgâise ra ǃhoa tsî ǁîb xas tsîna.—ǂKhm. 31:26.

ǁGûn ge ǁîn di ǀgôan ǀkha ra hâǀhao. (Deu. 6:6, 7) Tsî ǀgôana ra mîba ǁînan a ǀnam ǃkhaisa. (Mat. 3:17) ǁNamasan ga mā, on ge ǀnammi tsî gā-aisib tsîna ra sîsenū.—Efe. 6:4.

ǀGôan ge ǁîn ǁgûna ǃgôa tsî ra ǁnâuǀnam. (ǂKhm. 23:22) ǁÎn di ǁgûnan ge ǁîn di ǂâidi tsî tsâsigu xa ra mîba. ǁNamasa ūǃoa tsîn ge ǃgôasib tsîna ra ǁgau.—ǂKhm. 19:20.

OMARIS ǃNÂ ǂKHÎBA OMKHÂI RE DI ǀON HÂ VIDIOBA ǀHURU TSÎ SAO RA DÎSA ǃEREAM RE:

Hoana tae-e ge dī omaris ǃnâ ǃgâiaǂgaoba omkhâisa?