Gagasi mîǁguigu ge xūn hîna da ra dīna, î da Jehovaba ǀoasase ǃoaba tsî ǃgâiaǂgao kai. Nē mîǁgui gu ge ra huida î da gagasi Xristeǁî kai. Tsî i ge sida ǁaeb tsî ǁkhāsib ǂamais tsîna a ǂhâǂhâsa. (1Tim. 4:15) Tae-i ǃaroma da sida mîǁguiga hoaǁae ǂōrisase nî ôaǃnâ? Sida mâsigu ra dawa amaga. ǃKharuge ǁaeb ǃnâ da ge dī mîǁguib ge ǀnîsi nēsi ǃgâi tama hâ. Tamas ka io da ge ǀnîsi ǁnā mîǁguiba ge sīǃnâ. Tsîs ge ǁnāsa a ǃaroma ǁkhā, i da ǀkhara mîǁguiba dī.

ǃGâi ǁaeb sida mîǁguiba da nî ôaǃnâb ge, ǀasa kurib nî tsoatsoas aiǃâ. Tae-i ǃaroma du nēsa omaris ǃoabas ǃnâ ǃhoaǃgao tama. Tsî omaris ase ǀguiba mîǁguiga dī tama?

Mâ mîǁgui ga du saora xūn ǃnâ dī hâ? Tsî tae-e du ǀapeǁgui hâ ǁîga sīǃnâs ǃaroma?