TAE-I ǃAROMA I A ǂHÂǂHÂSA: ǂGui khoen hîna ǂgī hân ge ǀūn a khoen ǀkha ǃhoas xa ǃgâibahe tama hâ. ǁNā-amaga da ge nî ǁgūtsâ i da ǁnāti ī khoena “ôa” tsî aoǁnâba. Jehovab ge ǀnamma ǁnān hîna ǂgī hâna ra ǁgau. (Lev. 19:14) Sida tsîn ge ǁîba a ǁgae ǁkhā ǁnān hîna ǂgī hâna Jehovab xa ǁkhāǁkhās ǃnâ-ū.

NĒSA DA MATI A DĪ ǁKHĀ:

• ǂGī hâna ôaǂui re. (Mat. 10:11) Sadu Omaris ǃnâ du ǂgī hâ khoe-e a ǂan? Sadu aoǁnâ ǂharis ǃnâ i skolgu tamas ka io ǀapeǂhumide hâ, ǂgī hâ khoen ǃgao, hîna ǂgī hâ khoen ǃgao hâ ǂkhanide ra ǂgaona?

• Khoexaǃnâsiba ǁgau re. Khoexaǃnâsiba da ga ǂgī hâ khoe-e ǁgau o, o i ge ǁî-e sida ǀkha ǃhoas xa nî ǃgâibahe. ǁGamǀhaosa khoen ǃgâiǃgâibasensa ūǃnâ hâ xūn ai ǃgaoǃgaosase tsoatsoa re

• Gagasi huiba mā re. ǁNān hîna ǂgī hâna huis ǃgaos ge ǀapeǂhumisa ǂkhanina ǂgui ǀgaugu ǃnâ ra māǂui. Khoe-e dî re mâ ǀgaub ǃnâ i ra ǁkhāǁkhāsen ǂgaosa. Aoǁnâ sîsenna ra mûǂam ǃgâsab ǀhaohâb ǃnâ hâb ge nî kōǃgâ îb ǂkhanina ra ǂganǂgā ǃgâsaba ǂgī hâ khoe-i ra ǂgao ǀgaub ǃnâ ǂkhanina ǂganǂgā.