ǀUniga Pasxakaitsēs ge kaise Jesuba ge ǀō-aisaba i. ǁŌb nî sab ge ǂân i amagab ge ǁîb apostelgu ǀkha, Pasxaba ge ǂû. Tsî ǃuiǂûsa ge ǂnûiǂgā kurib hoaba i nî dīhese. Tsîb ge Petrub tsî Johaneb tsîkha ge sî, i kha kamers Pasxab nî dīǃnâhesa ǂhomi. (Luk. 22:7-13; tsoatsoas ai hâ ai-īsiba mû re.) Nēs ge ra ǂâiǂâiǃnâ da, i da Jesub ǁōb ǂâiǂâisens Maarti 27 nî hâs, ǃgao aiǂhomisen. ǀHaohâgu ge ǃhoa-aob, pere-i tsî xûi-i tsîna ra aiǂhomi. Xawe i mâ khoe-i hoa-e tae-e nî dī, Jesub ǁōb ǂâiǂâisens ǃgao aiǂhomisensa?

Sadu ǂgoaba aiǂhomi re. Jesub ǁōb ǂâiǂâisens Elobmîs khomai ǃâsa khomai tsî ǂâiǃgâ re. ǁNā ǃâb ge xoasa ôaǃnâs ǂkhanis ǃnâ hâ. Study Guide for God’s Word di hâ ǃâb ge 16ǁî ǁkhāǁkhāǃâs ǃnâ hâ. (Ûib tsî aoǁnâ sîsenni sîsen ǂkhanib Aprili 2020 ǃnâ kō re.) Omaris ǃoabas ǃnâ du ge xoremarib ǂhâǂhâsasib xa ǃhoa ǁkhā. Watch Tower Publications Index tamas ka io Research Guid-i ǃnâ kō re.

Nau khoena ǁkhau re. ǀOasase nē ǁkhauǂuis ǃnâ ǃâ re. Ham-e du nî ǁkhausa ǂâi re. Aiǁgause Sari dara khoen, Elobmîsa da ra ǁkhāǁkhā khoen, ǁanǁare-aon tsî sida ǀaokhoen. ǀHaohâb ǃûi-aogu ge ǁnān hîna ge amab ǃnâ a ǃkhaina nî ǁkhau. Khoe-i ga sadu ǃās ǃnâ hâ tama io, o du ge ǁaeb tsî ǃkhais tsîna a ǂanǂui ǁkhā, ǁî-i hâ ǃās ǃnâ i Jesub ǁōb ǂâiǂâisensa ra dīhesa. Nēsa hōs ǃgao du ge SIDA XA di hâ ǃâba jw.orgs ai nî ǁgâi. Tsî ǁnāpaxū “Jesub ǁōb di ǂâiǂâisens” di hâ ǃâba nî ǁhûi.

Tae-i tsîna da dī ǁkha aiǂhomisens ǃgao?