Haga vidiogu hîna Elobmîs ǁkhāǁkhās ǃaroma, aoǁnâ sîsenni ǃnâ ra sîsenūhe ga da ge ūhâ. Tae-i ǃaromab ge mâb hoaba kuruhe?

• Mati i io da Elobmîsa nî ǁkhāǁkhāsen—ǀoasa vidiob ge Elobmîs ǃnâ ǃgâiǃgâibasensa ūhâ khoen ǃaroma ge dīhe, mâ ǂgomsa xun ga hā xawe. Nēs ge vidioba ra kē khoena ra ǂkhâǃnâ, în Elobmîs ǃnâ ǃereamde ôa. ǂGui dîdi hînan ūhâ di ǃaroma tsî ǃereamde hō. Nēs ge ra ǁguiǃā mati du Elobmîs ǁkhāǁkhāsa nî ǂgānbasensa.

• Mati ii o da Elobmîsa nî ǁkhāǁkhāsen? (ǃnubuǃnubusa ǃâb) ge ǀoasa vidiob ǀkha a ǀgui xawe a ǃnubuǃnubusa. Nē vidiob ge ǃnāsa ǁaeba ūhâ tama khoena ūhâ ǃkhaidi ai a sîsenūhe ǁkhā.

• Tae-e ra ī Elobmîs ǁkhāǁkhās tawa? di hâ vidiob ge a dīsa î-i Elobmîs ǃnâ ǃgâiǃgâibasensa ūhâ khoen turaba omkhâi. Tsî khoen hoaǃnâ-aixase ūhâ dîde ǃeream. Tsî î ge matits Elobmîs ǁkhāǁkhāsens ǃaroma nî ǂgānbasen ǀgaub tsîna ǃkhōǂgā hâ.

• Elobmîs ǁkhāǁkhās tawa ǃgâise tsâ re di hâ vidiob ge dīsa î-i Elobmîsa ra ǁkhāǁkhāsen khoe-e ǁgauhe. Elobmîs ǁkhāǁkhāsa î ga tsoatsoa o. Nē vidiob ge ǀAmosib kōse ǃgâiaǂgao re di ǀon hâ ǂkhinis di ǀgamǁî ǂhaweb ai ra mâi-aiǃâhe. Xawe î ge ǀAmosib kōse ǃgâiaǂgao re di ǀon hâ ǂkhiniba du ga ǃhoaǃgao os tsîna a ǁgauhe ǁkhā. Vidiob ǃnâ i ge ǂkhinis taena ǃkhōǂgā hâs. Tsî Elobmîsa ra ǁkhāǁkhāsen khoe-i taena nî ǃâubasens tsîna ǃkhōǂgā hâ.

Mâ vidiob hoab ǂâibasensa ūhâ. Xawe da ge khoena ǁgau tamas ka io a sîba ǁkhā, ǂhanu ǁaeb ai. Aoǁnâ-aon ge ra ǂkhâǃnâhe, în nē vidiogu ra sîsen ǀguaba ǂan. Tsî ǃgâise aoǁnâ sîsenni ǃnâ sîsenū.