ǁNamas ge ǃnāsase ǁkhāǁkhās ǃoa ra ǁnae ǁgau. Xawe i ge mî-unubahes tsî ǁkharahes tsîna ǃkhōǂgā hâ. Jehovab ge sida ra ǁnama, i da ǁîb ǂhâba hâ ǀgaub ǃnâ ǁîba ǃoaba. (Rom. 12:1; Heb. 12:10, 11) ǀNî ǁaegu ai i ge ǁnamahesa a tsûtsûsa. Xawe i ge ǂhanu-aisib tsî ǀkhaegu tsîna ǃkhōǂgā hâ. (ǂKhm. 10:7) Tae-en ǁnān hîna, ǁnamasa ra mān tsî māhen tsîna ǂâis ǃnâ nî ūhâ?

ǁNama-ao-i. ǀHaohâb ǃûi-aogu, ǁgûn tsî nau khoen tsîn ge ra dītsâ. În ǁnaman ga o, nēsa ǃgâi ǀgaub ǃnâ Jehovab khami dī. (Jer. 46:28) ǀGaisa ǁnamas ge ī go xū-i ǃoagu nî mâhe. Tsî ǀnammi xa nî ǂhâǃnâhe.—Tit. 1:13.

ǃKhōǃoa-ao-i. ǁNamas ga tae-i ǀgui-e ūhâ, xawe da ge nî ūǃoa tsî nî dī. (ǂKhm. 3:11, 12) ǀOasa kurusa ūhâ tama khoen, ase da ge ǁnamahesa ǂhâ hâ. Tsî nēs ge ǃkharagagu ǀgaugu ǃnâ ra dīhe. Elobmîs ǃnâ da ra khomai xū-i. Tamas ka io da ǀhaos ai ra ǁnau xu-i xa, da ge ra ǁnamahe. ǀGoraǃgâ ǃnans xas tsîna da ge a ǁnamahe ǁkhā. ǁNamasa da ga ūǃoa tsî dī o, o da ge ǃgâi ûiba nî ūhâ. Tsî ǀamosib kose nî ûi.—ǂKhm. 10:17.

“JEHOVAB GE ǁNĀN HÎNAB A ǀNAMNA RA ǁNAMA” DI HA VIDIOBA KŌ TSÎ SAORA DÎDE ǃEREAM RE:

• Kanonni ûiba mati ge tsoatsoa tsî mati ge tawa?

• Mâ ǀnamǀnamsa ǁnamasab ge Jehovaba xu hō?

• ǁÎb ge ǃkharuǃnâ xūna tae-e ra ǁkhāǁkhā da?