“ǀUniga tsēdi” ǃnâ da ra ǂgâ khami da ge ra ǃâubasen. ǂGui ǃgomsina da nî hōǃâsa. (2Tim. 3:1; nwtsty study notesa Mat. 24:8 ǃnâ mû re) Tsūkeǃgâ-i ga hâ o, on ge Jehovab khoena. Matin ûiga nî sâu, ǀgaus daoǁgaude ra māhe. Nē xūna ûiǃkharus ge, ǁnâuǀnam xase nēsi, aiǂhomisensa xu hâ. Gagasise tsî sorosise. —Luk. 16:10.

• Gagasise aiǂhomisen re: ǃGâi ǁnaetiga ūhâ re. ǃKharagagu ǀgaugu aoǁnâs di ga ǁkhāǁkhāsen re. ǀHaohâb ǃnâ hâ khoena xu du ga ǁaeroba ǀgorahe o, tā ǃao re. (Jes. 30:15) Jehovab tsî Jesuba xu du ge tātsē ǀgorahe tide.—od-E 176 ¶15-17

• Sorosise aiǂhomisen re: Tsūkeǃgâb ǁgarudi xa i ge, mâ khoe-i oms ǃnâ hâ-i hoa-e. ǂÂu hâ ǂû-i, ǁgamm-i, sōǀôa-i tsî ǂhâǂhâsa xūn tsîna nî ūhâ. ǂÂu hâ ǁaeba nî hâna.—ǂKhm. 22:3; g17-E 5 4, 6

VIDIOBA KŌ RE TSŪKEǃGÂGU ǃGAO DU AI ǂHOMISEN HÂ? DI HÂ BA TSÎ SAORA DÎDE ǃEREAM RE:

• Mati da gagasise nî aiǂhomisen, tsūkeǃgâ-i ǃaroma?

• Tae-i ǃaroma da . . .

  • ǃgâi ǃgaeǁaesa ǀhaohâb ǃûi-aogu ǀkha nî ūhâ?

  • tsūkeǃgâb ǃgao ǁgarusa nî aiǂhomi?

  • īkhā a tsūkeǃgâ-i tsî tae-e da nî dīs tsîna nî kōǃgâ?

• Mâ ǃnona ǀgaugu ǃnâ da nau khoena hui ǁkhā, tsūkeǃgâb ga hâ o?

DÎSEN RE, ‘COVID-19 ǀaeba tae-e ra ǁkhāǁkhāte aiǂhomisens xa?’