ǀOasa kurusa da ūhâ tama hâ amaga. Da ge a ǃgombahe ǁkhā sida turaga ǃkhō-oasa. ǂGao da ra xū-i hoa-e da ga ra dī o. O da ge Jehovaba ǂkhîǂkhî tide. Aiǁgause ǀnî khoen ge ǂûn, saran tamas ka io hân da ǃkhai-e. Jehovab xa ǃnāsase a ǀnam. ǀNî khoen ge Jehovab ǁgoe-ūgus xa mā hâ ǂhanuga ǁnâuǀnam tama. (Rom. 1:26, 27) Tsî ǀnî khoen ge ǂhanu tama xūna ra dī. Nau khoen ǁîn xa nî ǃgâibahesan ra ǂhâba amaga.—Eks. 23:2.

Mati da sida turaga a ǃkhō-oa ǁkhā? Jehovaba ra ǂkhîǂkhî xūna da ge ǂgurose nî mâi. (Mat. 4:4) Tsî da ge Jehovaba nî ǂgan îb hui da. Sida turaga ǃkhō-oasa. Tae-i ǃaroma? ǁÎb ge a ǂan tae-i sida ǃaroma a ǃgâisa. Tsîb ge a ǂan matib sida turaga ǃgâi ǀgaub ǃnâ nî dīǀoaǀoasa.—Psa. 145:16.

TĀ SA ÛIBA ǁGAIǁGAI RE ǂGAES ǃNÂ-Ū, TI ǀON HÂ VIDIOBA ǀHURU. TSÎ ǁNĀPAXU SAO RA DÎDE ǃEREAM RE:

• ǀNî khoena tae-i ǃaroma ra ǂgae?

• Tae-e sadu soros ǀkha nî ī ǂgae du ga ra o?

• Saru-i, elektronise sarub tsî hubbli-bubblisa sîsen-ūsa tae-i ǃaroma a ǁgai?—2Kor. 7:1

• Mati du ǂgaesa a ǂkhā ǁkhā? Tamas ka io a ǀû ǁkhā?