Jesub ge Samariaǁî tarekhoesa ge aoǁnâba ǁîs ǀkhab ge hoaǃnâ-aixa xūn xa a ǃhoa tsoatsoa o. Sida aoǁnâ ǀgauga da mati a ǃgâiǃgâi ǁkhā ǀū da a khoen ǀkha ǃhoas ǃnâ-ū?

• Khoexaǃnâ ǀgaub ǃnâ khoen hîna du ra ǀhao-ūn ǀkha ǃhoa re. Tsaub ge hâ i xaweb ge Jesuba ǁgam-e ǂgans ǃnâ-ū tarekhoes ǀkha ge ǃhoa tsoatsoa. Sida tsîn ge khoe-e tawede tsî ǂoab mâsib, bēb ǃgonkhao hâ ǃkhais tsî hoaǃnâ-aixa xūn xas tsîna a ǃhoa tsoatsoa ǁkhā. ǂÂis ǃnâ ūhâ re khoen ǀkha du ge ǁîn ǃgâiǃgâibasensa ūǃnâ hâ xūn xa nî ǃhoa. ǁÎ-i ga ǃgâiǃgâibasensa ǁgau tama ga ra io, o du ge xū-e ǂoa ǃnâ tama hâ. ǀNî hâ khoe-i tawa ǁkhawa dītsâ re. Jehovab ai ǁkhoaǂgaosiba ǂgan re.​—Neh. 2:4; ǃNǃkh. 4:29.

• ǃGâiǂhôasa hoaǁae khoen ǀkha ǀgoragu re xawe tā ǃhae re. Mîdi ge aitsamaba xu nî hā. Mîde du ga ra ǁgari o, o î ge khoe-e a ǃhoa ǀû ǁkhā. Tā ǂkhabuǂâi re khoe-i ga ra ǃhao ǀû o noxoba du aoǁnâ tama hâ hîna. ǂAnǃgâs ose aoǁnâs ga ra ǃgomba du io, o nēsa oms ai ǃâitsâ re. [ǂGuro vidioba ǀhuru tsî ǃhoaǃgao re.]

• Hoaǃnâ-aixa xūn xa du ra ǃhoa hîna du ge ǀnîsi sadu ǂgoms xa a ǃhoa tsoatsoa ǁkhā nēs ge nî dī î-i khoe-e ǂgan du nēsa ǁguiǃāsa. Jesub ge ǃgâi ǀgaub ǃnâ gere ǃhoa tsîs ge nēsa ge dī îs nē khoesa dîna dî tsoatsoa. ǃGâiǂhôas xab gere ǃhoa o, ob ge ǁîba ǁîs dîde ge ǃeream tama hâ i. [ǀGamǁî vidioba ǀhuru tsî ǃhoaǃgao re tsî ǁnāpaxū ǃnonaǁî vidoba ǀhuru tsî ǃhoaǃgao re.]