ǃGôaǃgâ î du ra vidion, tsî khoe-e ra ǂâi kai dîna ǀAmosib kōse ǃgâiaǂgao re ǂkhinis ǃnâ sîsenūsa? Tamas ka io du ǃgâiba ra hō, “mati du nî ǃeream khoe-i ga mî o,” “sadu nî dī xū-i” tsî “ôaǃnâ” di hâ xūna sîsenūsa? Mâ ǀkhara xūna a hui du ǁkhā, Elobmîs ǁkhāǁkhāsa du ga ra dī o?​—Mat. 28:19, 20.

Vidion tsî linkgu: ǁGâisa ǂkhinisa du ga ra sîsenū ǂgao, o du mati hoa vidion tsî linkgu tsîna ǀgui ǃkhais ai a hō ǁkhā? Internets ai hâ ǂkhinisa du ga ra sîsenū ǂgao o, o haka ǃâgu di ǀguiba ǁgâi re. ǁKhāǁkhāǃâdi xoahe hâ ǃkhaib ǃnaka du ge hoa vidion tsî linkgu tsîna ǁnā ǃâb ǃaroma a hō ǁkhā. (ǂGuro ai-īsiba kō re.)

“Ai-īsib”: Elobmîs ǁkhāǁkhāsa du ga selfona xu a dī. O du ge “ai-īsib” di hâ ǃâba ǀnî ǁaegu ai a sîsenū ǁkhā. Î du ǁgâisa ǂkhaniba mû. ǁKhāǁkhāǃâs ǃnâ du hâ hîna du ge ǀgapiga hâ ǃnona pinte a ǁgâi ǁkhā tsî ǁnāpaxu “ai-īsib” di a xoasa mîs ai. Nēsa du ga dī o, o du ge nî mû, ǃhoaǃgao du ra xūn mati ǁkhāǁkhāǃâs di xoaǂams ǀkha ra ǃgûǀhaosa. Hâ i go ī ǀgauba ǃoa du ga dawa ǂgao o, o ǃnona pinti ai ǁkhawa ǁgâi. Tsî ǁnāpaxu “xoamûdi” di hâ mîs ai ǁgâi re.

“ǂHanu i ta a?”: Nē boksira ge ra ǁgau tae-e du nî dīsa, î du ǀhaohâb ǀkha aoǁnâ tsî ǁāǁnâhe. (2ǁÎ ai-īsiba kō re.)

ǀArosa ǃgāsasigu: ǀNî ǂhâǂhâsa xūn ge ǀarosa ǃgāsasigu tawa ra ǁguiǃāhe. Internets ai hâ ǂkhinis ge ǀarosa ǃgāsasigu ǀams ai linkga ūhâ. ǁNā linkgu ge ǁkhāǁkhāǃâs ǃnâ du go hâ i ǃâba ǃoa nî oa-ū du. (2ǁÎ ai-isiba kō re.)