ǃGâi Xristeǁî ǃgamme gu ge Jehovaba ra koa tsî aob tsî tarasa ǂkhîba ra hauba. (Mrk. 10:9) Xristeǁî i ga ǂkhîsa tsî gaxuse nî hâ ǃgammeba ǂhawa. O i ge Elobmîs daoǁgaude nî sao, ǃgamme ǂgao i ra khoe-e ǁhûis ǃnâ.

Khoe-i ǀkha ǂangusa dī tsoatsoa re, ‘ǂkhamsiba du ga ǃkharu’ ǁaeb hîna du ǀgaisa turaga ūhâb ǃnâ. Hîna sadu ǂâiǀgauba a ǂhani ǁkhā-e. (1Kor. 7:36, NW) ǃGamme tama du hâ kuriga ǃgâise sîsenū re, î du sadu ǀhōsagusis, Jehovab ǀkha du ūhâsa ǀgaiǀgai. Tsî ǃgâi Xristeǁî ǀgauga omkhâi. O du ge ǃgâi ǃgamme ao tamas ka io tara kai ǁkhā.

Khoe-e du nî ǃgammes ais ai ǁaeba ū re, î du “ǂganǃgâsa khoeb ǂgaob diba” ǂan. (1Pet. 3:4) ǃGamme ǂgao du ra khoe-i ra dī, tamas ka io ra tanisen ǀgaub xa du ga kaise ǂhanihe o. O ǃgamme ǂgao du ra khoe-i ǀkha ǃhoa re. Nau khoen ǀkha du ūhâ ǀhōsagusis khami i ge māsa, hōs xa ǃgammeb ǃnâ a ǂhâǂhâsa. (Fil. 2:3, 4) Elobmîs daoǁgaude du ǃgammeb ǃnâ ǂgurose ga ra mâi, o du ge ǂkhîsa ǃgaoǃgaoba ǃgammeb ǃaroma ra ǁgui.

ǃGAMMEB ǃAROMA AIǂHUMISEN RE—3ǁÎ ǃÂB: “ǂNÛ TSÎ ǂÂU-I HÂSA KŌ RE” TI ǀON HÂ VIDIOBA ǀHURU. TSÎ ǁNĀPAXU SAO RA DÎDE ǃEREAM RE:

• ǃGâsas di ǀhōsagusisa mati Shani ǀkha ge aiǃgû?

• ǀHōsagusis ra aiǃgû khamis ge tae-e mû?

• ǁÎs ǁgûra mati ge huisi tsî mâ gā-ai mîǁguibas ge dī?