Nē ǀuni tsēdi ǃnâb ûikaise a ǃgom. Tsî ǀams ra ǀgū khami i ge ǃgomsiga ra ǀarosen. ǁNās xa ǃaromahe hâse da ge ǀnî xūn ǃnâ, ǃnubusiga nî hōǃâ. (Hab. 3:16-18) Tae-e nî huida î da mari ǃgomsiga ǂgomǃgâsib ǀkha mâǀgai? Jehovab sida Eloba da ge nî ǂgomǃgâ. ǁÎb ge ra mîmâi, ǁîb ǃoaba-aonab nî kōǃgâsa tsîb ge hâ nî mâsib hoab ǃnâ a huida ǁkhā.—Psa. 37:18, 19; Heb. 13:5, 6.

Dī ǁkhā du a xūn:

• Jehovaba daoǁgaus, gā-aisib tsî mâxōǀkhās ǃaroma ǀkhoma re.​—Psa. 62:8

• Mâsenxase māhe du ra sîsen-e ūǃoa re.​—g-E 1/10 8-9, boksira

• Gagasise ǂûmāsen re, Elobmîsa khomais, ǀhaode hâǃnâs tsî aoǁnâ sîsen-e dīs ǃnâ-ū

MÂǀGAI NÎ OMSA OM RE—“NĒSI DU ŪHÂ XŪN ǀKHA ǂÂU RE” TI ǀON HÂ VIDIOBA ǀHURU. TSÎ ǁNĀPAXU SAO RA DÎDE ǃEREAM RE:

• ǀNî omaride mâ ǃgomsina gere hōǃâ?

• Tae-e ûib ǃnâ kaise a ǂhâǂhâsa?

• Marisi ǃgomsiga ra hōǃâ ǃgâsana da mati a hui ǁkhā?