Hî-î. ǂGui khoen hîna ge ǃkharu ge ǁaeb ǃnâ ûi hâ în tsî ge Jehovab di ǀHûǀguitimî-ao tama hâ în tsîn ge nî orehe. Elobmîs ge ra mî, Elob di ǀasa mîmâisa ǃhūbaib ǃnân ge “ǁō hâna xu khâi-i nîra hâ ti, ǂhanu-ain tsî ǂhanuoǃnân tsîn di-e.” (ǃNaeǃkhaidi 24:15) ǂGui khoen hîna Eloba nēsi ǀnai ra ǃoaban tsîn ge ǃēsa nî hō orehes disa. Sida ǃkhai tamas ge ǀgoraǃgâsa ham-i nî orehe ǃkhaisa. Jesub ge ǁgaumâihe hâ ǁnāsa dīsa.—Johaneb 5:22, 27.