Jehovab di ǀhûǀguitimî-aona tae-i ǃaroma ǀaoba ūǃoa tama hâ?
Ama tama xūn
ǂHumib: Jehovab di ǀHûǀguitimî-aon ge doktergu huib ǃnâ ǂgom tama hâ. Tsî ǁnā-amaga ǀaeǃkhōs huiba ūǃoa tama hâ.
Amab: ǃGâi ǀaeǃkhō ǀgauga da ge sida. Tsî sida omaridi tsîna ra ôaba. ǀAesen da ga o, o da ge dokterga ǃoa ra ī. Hîna ǃgâise nî hui da tsî ǀao i oses tsîna a ǃhôada ǁkhāna. ǀAeǃkhōs ǃnâ ge hâ khoraǂuisendi xa da ge kaise a ǂkhî. ǀAo, o ǀaeǃkhōdi hînan Jehovab di ǀHûǀguitimî-aon xa ra sîsenūhe di ge. Nēsisa hoa khoena ra hui. ǂGui ǃhūgu ǃnân ge khoena nētsē a ǁhûi ǁkhā. ǀAoba ūǃoa tama īsa. Nēs ǃnâ-ūn ge ra ǁkhaubasen. În tā aiǁgause, ǀaob ǃnâ-ū ra hō-e ǀaen. Tsî khoen xa a ǃaromahe ǁkhā ǀaen tsîna hō.
ǂHumib: Jehovab di ǀHûǀguitimî-aon ge ra mî. ǂGoms khoe-i di ǀaeba a ǂgau kai ǁkhā di.
Amab: ǂGoms ǃnâ-ū da ra ǂūru. Di hâ ǂâiǀgaub ge ama tama hâ.
ǂHumib: ǀAo oǃnâ ǀaeǃkhōs ge ǂgui mari-e ra ǂgan.
Amab: ǀAo oǃnâ ǀaeǃkhōdi ge ǂgui mari-e ǂgan tama hâ tsî kaise a ǃgâi. *
ǂHumib: ǂGui ǀhûǀguitimî-aon, ǀgôaron tsîna ǃkhōǂgā. Hâsen ge mâ kurib hoaba ra ǁō. ǀAoban ūǃoa tama hâ ǃkhais ǃaroma.
Amab: Nē ǂâiǀgaub ge ama tama hâ. ǀAeǃkhō-aogu ge hoaǁae ǀao o ǀaeǃkhōsa ra mâ. Aiǁgause, ǀao oǃnâ ǂgao ǃhôas, orthopedic ǃhôas, tsî organ transplants. * ǀAo o ǃnâ ǀaeǃkhōsa ra ūǃoa khoen, ǀgôaron tsîna ǃkhōǂgā hâsen di. ǂŪrusib ge kaise a ǃgâi. ǀNî ǁaega ǁnān hîna ǀaoba ra ūǃoan di ǂūrusib xas tsîna. * Xawe i ge khoe-e a mî ǁoa. ǀAobats go ūǃoa ǃkhais ǃaromats go ǁō di. ǀAoba ra ūǃoa khoen tsî ǀaoba ūǃoa taman hoan da ǁō xui-ao.
Jehovab di ǀHûǀguitimî-aona tae-i ǃaroma ǀaoba ǃkhōǂgā hâ ǀaeǃkhōna ūǃoa tama hâ?
Nēb ge sida ǂgoms ǀkha dī xū-e ūhâ ǁhōba, ǀaeǃkhōs ǀkhas ose. ǀOro tsî ǀasa testaments ge ra ǃkhâikhom da i da, ǀaoba xu hâbē. (Genesis 9:4; Levitikus 17:10; Deuteronomium 12:23; ǃNaeǃkhaidi 15:28, 29) Elob tsîn ge ǀaoba ûib ase ra mû. (Levitikus 17:14) ǁNā-amaga da ge ǀaoba xu. Eloba da ra ǁnâuǀnam amaga ǀgui hâbē tama. Xawe da Eloba ûib di mā-aob ase ra ǃgôa amagas tsîna.
Mûǂuiba ǀkharaǀkharas
Kaise ǃgom ǀaeǃkhō ǀgaugu ge ǀao oǃnâse a dīhe ǁkhā
ǂGuro gu ge dokterga ǀao oǃnâ ǀaeǃkhōde kaise ǁkhōǁkhōsa. Tsî ǃgamsens ǂâibasens ǀkha ra dīhe xū-i ase gere mû. Xawe nē ǂâiǀgaub ge kurigu ra ī khami ge ǀkharaǀkharasen. Aiǁgause, 2004ǁî kurib ǃnâb ge ǀaeǃkhōs xa ge hâ i ǂkhaniba ge mî. “ǂGui xūn hîna Jehovab di ǀHûǀguitimî-aona huis ǃaroma. ǀAeǃkhōs ǃnâ ra sîsenūhen ge hānî kurigu ǃnâ hoaǃnâ aixase nî sîsenūhe.” * Heart, Lung and Circulation di hâ ǃâb xab ge ǁkhā ǂkhaniba ra mî. 2010ǁÎ kuriba xun ge “‘ǀAo oǃnâ ǀaeǃkhōna’ Jehovab di ǀHûǀguitimî-aon ǃaroma ǀgui ge sîsenūhe tama hâ i. Xawe tsēkorobe ra dīhe ǀaeǃkhōdi ǃnâs tsîna nî sîsenūhe.”
ǂGui doktergu ge ǀaoba ra sâu masinsa ra sîsenū. ǀAo oǃnâ ǃhôana dīs ǃaroma. Kai ǃādi ǃnâs tsînab ge nē ǀgauba ra sîsenūhe. Jehovab di ǀHûǀguitimî-ao tama khoen tsîn ge nē ǀaeǃkhō ǀgauga ra ǂgān.
^ par. 6 Mû re Transfusion and Apheresis Science, Volume 33, No. 3, 349ǁî ǂhaweba.
^ par. 8 Continuing Education in Anaesthesia, Critical Care & Pain, Volume 4, No. 2, 39ǁî ǂhaweb.
^ par. 8 Mû re Journal of Thoracic and Cardiovascular Surgery, Volume 134, No. 2, 287ǁî tsî 288ǁî ǂhawekha; Texas Heart Institute Journal, Volume 38, No. 5, 563ǁî ǂhaweba; Basics of Blood Management, 2ǁî ǂhaweba; tsî Continuing Education in Anaesthesia, Critical Care & Pain, Volume 4, No. 2, 39ǁî ǂhaweba.
^ par. 10 Mû re Journal of Thoracic and Cardiovascular Surgery, Volume 89, No. 6, 918ǁî ǂhaweb; tsî Heart, Lung and Circulation, Volume 19, 658ǁî ǂhaweb.
You May Also Like
HOAǁAE RA DÎHE DÎDI
Jehovab di ǀHûǀguitimî-aona ǀaeǃkhōs ǃnâ ra sîsenūhe sōǀôana ra ūǃoa?
ǀNî khoen ge ra ǂâi Jehovab di ǀHûǀguitimî-aon. Hoa ǀaeǃkhō ǀgauga ūǃoa tama hâ di. ǁNāsa a ama?
AOǁNÂ SÎSENNI MÂI-AIǃÂS VIDIOGU
Jehovab di ǀHûǀguitimî-ao da—Ham da?
ǂGui khoen ge ra ǂan ǂgao Jehovab di ǀHûǀguitimî-aon a hamsa. ǁÎna xu aitsama ǂanǂui re.
