Î. Xristeǁî da ge sao ra ǃaromadi ǃgao:

• Jesub Xristub di ǁkhāǁkhādi tsî tanisen ǀgaub tsîna da ge ra sao.—1 Petrub 2:21.

• Jesub ǀguib ǃnâ-ū da ge oresa nî hō “tsî i ǁkhāti ǀnî ǀon-e ǀhommi ǃnaga khoena māhe tama hâ, ǁî-i ǃnâ da nî orehe-e.”—ǃNaeǃkhaidi 4:12.

• Khoe-i ga Jehovab di ǀHûǀguitimî-aon di ǀgui kai o, o i ge Jesub ǀons ǃnâ ra ǁāǁnâhe.—Mateub 28:18, 19.

• ǀGore da ga ra o, o da ge Jesub ǀons ǃnâ-ū ra ǀgore.—Johaneb 15:16.

• ǂGoms tsîna da ga ra dī, Jesub ge mâ aob hoab di danaba.—1 Korinteǁîn 11:3.

ǀNî mîdi ǃnâ da ge sida a ǀkhara Xristeǁîn di ra ǂgaisen ǂgomde xu. Aiǁgause, da ge ra ǂgom Elobmîs ra ǁkhāǁkhā ǃkhaisa Jesub a Elob ǀgôa ǃkhaisa tsî ǃnona ǀguira elo-e ǂnûǁkhaeba tama hâsa. (Markub 12:29) ǂGom tama da ge hâ ǀoms ra ǁōba ûiǃkharu ǃkhaisa. Tsî Elob ra khoena ǀamo ǀaes ǃnâ ǂhubisa. ǂGoms tsîna da ge dī tama hâ Elobmîsa ra ǁkhāǁkhā aogu nî ǁîga ra ǀgapiǀgapi ǀonde nî ǂgaihesa.—Aoǁnâ-aob 9:5; Esegieli 18:4; Mateub 23:8-10.