Sida ge kurus ǂans ǃnâ ra dīhe aiǃgûde ra ǃgôaǃgâ tsî kurus ǂans ra dī ôaǃnâ di hîna ǂkhâǃnâsa ūhâ de ra ǂkhâǃnâ.

“Kurus xa ǂansa ūhâ khoen ge kurus tsî ûib da sîsen ǀgaus tsîna ôaǃnâ tsî ǂansa nēs xa ra omkhâi.” (Collins Cobuild Advanced Learner’s English Dictionary) Elobmîs xūna ôaǃnâs ai ǃgaoǃgaosa tama xawes ge khoena ra ǂkhâǃnâ în ǃhūbaib xa ǁkhāǁkhāsen tsî nau khoen kurus ǂans xa ūhâ ǂansa xu ǀama. Sao ra aiǁgaude ǃoa kō re:

• Astronomy: “Kōkhâi î du mû tarib a ǁnā, nē xūna ge kuruba tsî tarib a ǁnā, ǂnubis âna ǀgaus ǀkha ra ūǀkhība ǃkhaisa; ǁnāb ǁîn hoana ǀons ǀkha ra ǂgaiba kaisib ǁîb di ǀgaigu dib ǃoa, tsî kaiseb a ǁîba ǁkhā ǃkhais xa tsî ǀguiro-i xare-i ge ǁkhuihe tama hâ.”​—Jesajab 40:26.

• Biology: Solomob “ge ǁkhāti hain xa gere ǃhoa, sederhais, Libanonni ai hâsa xu hisobhais, ǂnubiǂgoaba xu ra ǀkhīs kōse; tsîb ge ǁkhāti ǀgoan xa gere ǃhoa tsî anin xa tsî ǂhanaben xa tsî ǁaun xa.”​—1 Gao-aogu 4:33.

• Sōǀôan: “ǂUrun ge soǀôadī-aoba ǂhâba tama hâ, xawe ǀaesen hân ge ǂhâba bi hâ”​—Lukab 5:31.

• ǀAnub tsî ǂoab mâsib: “Sīts ge xare satsa ǁui-omgu tsamaros digu tawa, tsî mûts ge xare satsa ǃnareb di ǁui-omga? . . . aiǂoas di ǂoaba, ǃhūbaib ai ra ǀgaruba?”​—Job. 38:22-24.

Sida ǂkhanin ge kurus ǂansa ǃgôasiba ūba hâ tsî nēs ǃaroma ǃhūbaib tsî kurus ǂans xa hâ ǃâga ra mâǂui. ǀHûǀguitimî-ao ǁgûn ge ǁîn ǀgôana ra ǂkhâǃnâ în kurus ǂans xa ǁkhāǁkhāsen tsî ǃhūbaiba ǃgâise ǁnâuǃā ǁkhā. ǀNî ǀHûǀguitimî-aon ge kurus ǂans hîna biochemistry, mathematics, tsî physics tsîna ra sîsen-ū ǃkhain tawa ra sîsen.

Kurus ǂansa ūhâ khoen khoesib ūhâ hoa dîde nî ǃeream ǃkhaisa da ge ǂgom tama hâ. * Aiǁgause, geologists-i ge ǃhūbaib a kuru ūsa xūna ra ôaǃnâ tsî biologists-i ge khoen soros mati ra sîsen ǃkhaisa ra ôaǃnâ. Xawe tae-i amsib ǃhūbaiba ûib ǃaroma ǃgâise a kurusa tsî tae-i amsigu soros ǃâga ǃgâise ra sîsen ǀhao?

Sida ge Elobmîs ǀguis nē ǃnôa dîde a ǃeream ǁkhā ǃkhaisa ra ǂgom. (Psalmdi 139:13-16; Jesajab 45:18) Nēs ǃaroma da ge ra ǂgom ǃgâi ǁkhāǁkhās ǃaroma da kurus ǂans tsî Elobmîs tsîn hoan xa nî ǂansa ūǂgā ǃkhaisa.

Kurus ǂans ge ǁaen ai Elobmîs ǀkha ǃgûǀhao tama hâ. Xawe ǀnî ǂnôagu di ge ama tama ǁkhāǁkhān hîna Elobmîs xa ra māhen xa ra ǃaromahe. Aiǁgause, Elobmîs ge ǁkhāǁkhā tama hâ ǃhūbaib ge 24 irgu tsēdi digu ǃnâ a kuruhe di.​—Genesis 1:1; 2:4.

ǀNî ôaǃnâdi hîna kurus ǂans di ǃân ase ra mûhen ge ǂkhâǃnâ nî ra xūna ūhâ tama hâ tsî ǃgâi ǂansa kurus xa ūhâ khoen xa ūǃoahe tama hâ. Aiǁgause, ǃhūbaib ǀgapi gā-ai khoe-i xa kuruhe hâsa ra ǁgau amaga da ge biologists ôaǃnâ-aon tsî chemists ôaǃnâ-aon ǀkha ra ǀgau. ǁNān hîna ûib aitsamaba xū ǀgui hā tama di ra ǂâin ǀkhas tsîna da ge ra ǀgau.