VAKUA KU TAMBULA Vakua ku tambula va ka mi kuasa. Sukulukambu vononokenu mu ku kava viose vi va mi leka ku tuala ha kua ku tutika makulu, kua ku kovelela na ku tuhuka na kua ku tutumama, na vikuavo.

MBATIZIMU Vituamo via vaze va va ka mbatiza ku ciuano ca muhato via pande ku kala ku lutue lua mutula, noho nga kuli cimo ku aluluka. Vakua ku ya ku Mbatizimu va pande ku tumama ha cihela cavo ntsimbu kanda cimpande ci putuke lia Sapalalo ku cimene. Nkala muntu na pande ku neha tualia yeni na vuzalo vua mbatizimu vu muesa kasingimiko.

MILAMBU Ha ku vuahesa ciuano ca muhato, he ku ya milambu ya ingi, linga va viukise ha ku tumama, via cikumo, vikuata via vivideo, na vikuavo via vingi linga ciuano cende vuino na ku tu kuasa ku suena mu hiehi na Yehova. Milambu yenu ye ku kuasa ku fuetela evi viose na ku kuasa ku cipanga ca mu mavu ose. Hano ha cihela hali vikasa via ku haka milambu. Milambu yenu ye ku kuasa cikuma. Vakua Civunga ca Vantuamena va santsela cikuma ku milambu yenu ye ku kuatesa via Vuangana.

VAKUA KU OHIELA Sukulukambu vulukenu ngecize vutumbe vua seketa yaco vua pua lika ku kuasa vaze vali mu VISOTI VIA KU TUNGUMUNA.

VIA ZIMBALA NEVI VIA SOLOKA Nga mu uana vimo ka mu tantekeya ivenevio, sukulukambu vi tualeni ku seketa ya vakua ku tambula via Zimbala Nevi via soloka. Nga mua zimbalesa vimo yenu ku seketa yaco mu ka mone vieni via zimbala. Vanike va na zimbala va pande ku va tuala ku seketa yaco. Ngeci tua mi vundila nguetu niungenu vuino vana venu kati mu vecele vendangane ngoco.

KUA KU TUMAMA Kati mu suve ku muesa kasingimiko ku vakuetu. Vulukenu ngecize mua pande lika ku tulikila vihela vakua ndzivo yenu ni vaze va mu nende navo mu likalu limo, ni vakua ku lilongesa nenu Mbimbiliya. Sukulukambu kati mu tulike vikuata vienu ha cihela ku mu tumama.

VAKUA KU LIHANA Nga mu tonda ku ka lihana mu ka kuase ku vipanga via ciuano ca muhato, sukulukambu yenu mu ka lisolole ku Vakua Seketa ya Vakua ku Lihana.

SIKOLA YA VAKUA KU AMBULULA VUANGANA Vapioneiro vali na miaka 23 ku tuala 65 va tonda ku vueza ku ku ambulula cavo, ve ku va lania ku ciuano ca vaze va tonda ku ya ku Sikola ya Vakua ku Ambulula Vuangana lia ca lumingu ku mutana. Ntsimbu na cihela ku ci ka hitila ciuano va ka ci zimbula ku ciuano.