Njambi ua tonda tu ka yoye mu citungu ha mavu miaka yose, mu ciyulo na ndzolela!

Halumo u hasa ku komoka nguove: ‘Ovio naua vati vika hasa ku soloka?’ Mbimbiliya nguayo Vuangana vua Njambi vuka vi puisamo, ngeci mukemuo Njambi ua tonda vantu vose va lilongese via Vuangana vueni na vutumbe vueni hali etu.​—Visamo 37:11, 29; Isaya 9:7.

Njambi a tonda ku tu vezikisa.

Ngeci mua cisemi uze a tonda vana veni va yoye mua cili, Tatetu ua muilu neni a tonda tu ka yoye na ndzolela miaka yose. (Isaya 48:​17, 18) Ua tu kulahesa ngueni uze uose “ue ku linga-linga cizango ca Njambi a kala-kala ntsimbu yose ya ya-ye.”​—1 Yoano 2:17.

Njambi a tonda tu endele mu zinjila zieni.

Mbimbiliya ya handeka nguayo Sakatanga uetu ua tonda ku “tu longesa via zinjila zieni” linga tu hase “tu kenda mu zinjila zieni.” (Isaya 2:​2, 3) Ngeci na kungulula “vantu vamo, omo lizina lieni” linga va ambulule cizango ceni ha mavu ose.​—Vilinga 15:14.

Njambi a tonda tu vose tu likungulule hamo mu ku mu lemesa.

Ku lemesa ca vusunga ka ce ku tepesa vantu, vunoni ce ku va kunguluila hamo mu cilemo ca vusunga. (Yoano 13:35) Veya lelo lino, ve ku longesa vantu vati mua ku pangela Njambi? Tua ku lania u tantekeye cikumbulula ku hitila mu mukanda uno.