CILONGESA 23
Vati tue ku Soneka na ku Langulula Mikanda Yetu?
Seketa ya vakua ku soneka, E.U.A.
Koreia
Armênia
Burundi
Sri Lanka
Linga tu ‘ambulule muzimbu ua cili’ ku “vifuti viose na miyati yose mu malimi ose na vantu vose” tue ku soneka mikanda mu malimi a ku tuvakana 750. (Ku-Solola 14:6) Vati tue ku puisamo cino cipanga ca ku kaluua ngecize? Tue ku ci puisamo ku hitila muli vakua ku soneka na civunga ca vakua ku langulula va lihana—vose va pua Vakaleho va Yehova.
Ha katete vimpande viose ve ku vi soneka mu lilimi lia Inglês. Civunga ca Vantuamena ca Vakaleho va Yehova ce ku endesa vipanga via Mukana ua Vakua ku Soneka ku cikota ca mu mavu ose. Seketa yaco eyi ye ku-endesa ku hangula ca vakua ku soneka va ka pangele ku cikota na ku viseketa vimo ku Mbetele. Kua kala vakua ku soneka va ku liseza-seza eci ce ku tu kuasa ku tantekeya vilika via miyati ya ingi kaha ce ku lingisa mikanda i tovale ku i tanda ku vantu vose.
Visoneka ve ku vi tuma kuli vakua ku langulula. Mu ve ku manusula ku soneka, vimpande viaco ve ku vi tuma ku vivunga via vakua ku langulula mu mavu ose ku hitila mu internete, kuze ku ve ku vi langulula mu malimi a engi, ku hitulukamo kaha ku pupululamo naua mu vimpande viaco. Vakua ku langulula va lihakela kapandi ka ku hangula “mezi a cili” aze a ka lombolola mpundu vize vili mu Inglês ku neha mu malimi avo.—Ekelesiaste 12:10.
Komputador ye ku endesa vuasi vipanga. Vutuhu ngoco, ka citava ku hingisa computador mu cihela ca vantu vakua ku soneka na ku langulula. Vunoni, komputador ye ku kuasa ku kala na vuasi mu ku likuasesa vindisionaliu na mikanda ikuavo ya ku langulula nayo ya mu komputador na ikuavo ya ku mavoko. Vakaleho va Yehova va na panga imo plongalama i va sana nguavo: Sistema de Editoração Eletrônica Multilíngue (MEPS) ve ku kovelesamo visoneka mu malimi a engi kaha na ku hakamo vikupulo ku vi viukisa linga vi ka pue honi mikanda.
Vika tue ku lingila cose linga tu soneke mikanda mu malimi a engi, amo vantu va vandende lika ve ku a handeka? Muomu ca pua cizango ca Yehova linga “vantu vose va kovoke, va hete ha ku tantekeya vusunga.”—1 Timoteo 2:3, 4.
-
Vati tue ku soneka mikanda yetu?
-
Vika tue ku languluila mikanda yetu mu malimi engi?
