Tu na ku sangala mua kama! Omo lia kapandi ka u na lihakela ka ku tanda uno mukanda. U na hasa ku tu tantekeya mua cili etu Vakaleho va Yehova, na vipanga vietu kaha u na mono vati lukungulukilo luetu lu li na kuenda. Tua kulahela nguetu Uno mukanda u na ku kuasa ku tu tantekeya mua cili mu ku pua vaze vali na ku linga cizango ca Yehova lelo lino. Tu ku lania nguetu tualelelaho ku lilongesa via Njambi, lekesako vavusoko vuove na vavusamba vove viose vi u na lilongesa. Likungulule netu ntsimbu yose ku Ndzivo ya Vuangana.​—VaHevelu 10:​23-25.

Nga u tualelelaho ku lilongesa via Yehova, u ka mona vati ikeye ua ku lema mu vusunga. Eci ci ka lingisa nove u muese cilemo cove kuli ikeye. (1 Yoano 4:​8-10, 19) Vati u hasa ku muesa nguove ua lema Yehova mu muono uove? Omo lia vika ku ononoka ku masiko a Yehova ca pande ku pua cuma ca ku livanga mu muono uove? Vika vi hasa ku ku kuasa ku linga cizango ca Njambi hamo netu? Mulongesi uove ua Mbimbiliya a ka viukilila ku ku kuasa ku tondesesa vikumbululo vievi vihula, linga nove na vavusoko vuove mu hase ku kala mu “cilemo ca Njambi,  . . . na ku lavelela muono ka ue ku hua.”​—Yunda 21.

Tua ku lania na cizango ca vutuntu nguetu tualelelaho ku endela mu njila ya vusunga mu ku lilongesa eli livulu li na hatako  . . .