Mbimbiliya ya handekele laza nguayo mu nima ya kutsa ca Kilistu, ha kati ka vakua Kilistu va ku livanga tangua ha ka katuka valongesi va makuli, na ku hengesa vilongesa via vusunga via mu Mbimbiliya. (Vilinga 20:29, 30) Omo ntsimbu yaco ya hetele aze mezi a puilemo. Kaha omo lia ku tsingasiana vilongesa via Yesu na via vakua mavu, ku lemesa ca makuli ca likulisile. (2 Timoteo 4:3, 4) Vati tu hasa ku kala na vusunga nguetu vize vi tua tantekeya vikevio mpundu vi ya longesa Mbimbiliya?

Ntsimbu ya hetele linga Yehova a solole vusunga. Yehova ua handekele laza ngueni ku matangua a ku kotokela ‘mana a vusunga a ka likulisa.’ (Ndaniele 12:4) Mu muaka ua 1870, kacivunga ka vakua ku tonda vusunga va muene ngecize vilongesa via ma tembele a engi ka via puile via mu Mbimbiliya. Omo liaco, va putukile ku tondesesa mpundu vilongesa via mu Mbimbiliya, kaha Yehova ua va vezikisile na mana a ku-ivuisisa visoneka.

Kua kele vamala va ku silikinia va lilongesele Mbimbiliya na civando. Vankaka vetu Vakua ku Lilongesa Mbimbiliya va ku livanga, va tu sila lungano lu tue ku kava na lelo lino. Va simutuilile via mu Mbimbiliya cimpande ku cimpande. Omo va uanene cinimbu ca cikalu, va lengeyele vinimbu vieka linga va ci lombolole. Omo va uanene ntsina ize ya livuasanene na visoneka vikuavo viose via mu Mbimbiliya kaha va sonekele. Mu ku ecelela ngecize Mbimbiliya i li lombolole ivene, va hasele ku tantekeya lizina lia Njambi, Vuangana vueni Vutumbe vueni ku vantu na cifua ca vatsi. kaha na ku lavelela ca ku sanguka ca vatsi. Omo lia kapandi kava kele nako ka ku lengeya vusunga va patukile ku vilongesa via makuli na vilinga viaco vikuavo viose via mu Mbimbiliya kaha va sonekele. Mu ku ecelela ngecize Mbimbiliya i li lombolole ivene, va hasele ku tantekeya lizina lia Njambi, Vuangana vueni Vutumbe vueni ku vantu na cifua ca vatsi. Kaha na ku lavelela ca ku sanguka ca vatsi. Omo lia kapandi kava kele nako ka ku lengeya vusunga va patukile ku vilongesa via makuli na vilinga viaco.​—Yoano 8:31, 32.

Mu muaka ua 1879, Vakua ku Lilongesa Mbimbiliya va muene ngecize ntsimbu ya hetele linga va solole vusunga ku vantu vose ha mavu. Fume mu muaka uze, va putukile ku soneka mukanda u tue ku tuhula na ntsimbu ino Vutala vua Kaniungi Vu li na ku Ambulula Vuangana vua Yehova. Tue ku lilongesa vusunga vua Mbimbiliya na vantu vose mu vifuti via ku tuvakana 240, mu malimi a ku tuvakana 750. Kanda vusunga vu ci lisale ngecize ha mavu ose!

• Mu nima ya ku-tsa ca Kilistu, vika via lingiuile ku vusunga vua mu Mbimbiliya?

• Vati tu hasa ku uana vusunga vua mu Lizi lia Njambi?