Omo va Andama na Eva vasemene vana, kaha vantu valanene muakama ha mavu. Kua kele vamo tungelo valulukilile Njambi kaha vasuamene kuli Satana.

Ngeci vezile ha mavu na kuzala mivila ya vuntu mangana vambate va mpuevo. Kaha vampuevo vaco vasemene vana, va makisikisi va kele na nzili ya kama.

Kaha mavu a sulile na vantu va kua kulinga vupi. Mu Mbimbiliya tu tanda ngecize: “Vipi via muntu via nenehele ha mavu, kaha ngecize viyongola viose via ku singanieka ku mutima ueni via pihile ntsimbu yose.”

Vunoni Noa ua puile mukua vuviuke. Ngeci Yehova ua mu lekele ngueni a ka nongesa vantu vose va vapi ku livazi lia kama.

Njambi ua lekele naua Noa kusonga vuato vua kama, linga a vandemo na vakua ndzivo yeni na tusitu va kuli sezaseza.

Noa ua nanguileko vantu via kuiza ca Livazi vunoni ku vamu halakanene. Vamo vamu zolele ava vamu zindile.

Vuato mu vua huile Noa ua koveleselemo tusitu.