Liviukisilenu na ku vundila. Vundilenu Njambi a mi kuase ku tuala mana ku muzimbu kati kuli yenu vavene. Hakenu mana ku vilongesa via ntsindo vi tondeka. Lombololenu mizimbu mu mezi enu, kati mu tande lika mezi ngue mu va na a soneka.

Mezi enu a tunde ku mutima. Singaniekenu omo lia vika vantu va pande ku ivua ou muzimbu. Va tualenu mana. Kaha ku imana cenu na cifua ci mu handekelamo ci ka solola cindambo na vusamba.

Talenu kuli vakua ku mi halakana. Nga ku cihela cenu ka ca puile citanga, talenu ku meso a vakua ku mi halakana. Nga mu hana cimpande, puenu na ku tala muntu ku muntu mu mbunga, kati ku tala lika ku civunga cose.