Pangesenu mizimbu ya vusunga ya ku tondesesa vuino. Tsindikenu vihandeka vienu mu Lizi lia Njambi, li tandenu mpundu nga citava. Nga mu tumbula vimo via siensia, muzimbu, cimona ni nkala vusunga vu hakuila, talenu vua lumo ngecize mua vi tundisa ha viuma vi va tsiliela kaha kati via laza.

Lombololenu viuma ngue mu via fuila mpundu. Pangesenu mikanda kuliya na muzimbu uaco uose, na muzimbu uose ua Mbimbiliya, na mikanda ya tuhula “mukuamanda ua cili.” (Mat. 24:45) Pangesenu mizimbu i mua tondesesa ngue mu ca tondeka kuliya na vutumbe vua vaze va i sonekele.

Kuasenu vakua ku mi halakana va hilule ha vusunga. Mu nima ya ku tanda mukanda ni ku tumbula cinimbu, lingenu vihula na liano ni hanenu cimueso ci ka kuasa vakua ku mi halakana va hete ha vusunga.