Hangulenu visimo via viasi. Ngeci mua Yesu, pangesenu visimo via vindende, na viuma via viasi mu ku lombolola viuma via vikalu. Kati mu tongeleko mizimbu i tanganesa ngoco. Tenu cisimo ca litombola mpundu na vize vi mu tonda ku longesa linga vakua ku mi halakana kati va moneho ku lisevuka.

Singaniekenu ha vize vi hasa ku kuasa vakua ku mi halakana. Hangulenu visimo via likuata ku vipanga na viuma vi va lema vakua mi halakana. Zangamenu linga kati mute visimo vi vuisa ntsoni ni ku sahula vali mu mbunga.

Longesenu vintsina via seho. Tenu visimo via kuata ku vintsina via seho ya kama. Lingenu cose linga vakua ku mi halakana kati va ka vuluke lika visimo vunoni vi va lilongesaho.