Mezi a Heta ku Mutima

ZIKULENU

Citume: “Cilemo . . . Ka ce ku lilengeyela viuma via civene.”—1 Kol. 13:4, 5.

Vati Yesu ua Lingile

VIDEO: Yesu na mpuevo ha lisima

1. Talenu VIDEO, ni tandenu Yoano 4:6-9. Kaha munima yaco konkenu ha vihula vino vina hatako:

Vika Yesu ua nonguenene ntsimbu kanda a putuke ku simutuila na uze mpuevo?
Yesu ua handekele ngueni: “Nji hieko nji nue.” Omo lia vika eyi ya puile njila ya cili ya ku putukilamo ku simutuila?

Vi tu lilongesa kuli Yesu

2. Ku simutuila cetu ci kenda vuino nga tu putuka na mezi a ya vantu ku mitima.

Tambuluisenu Yesu

3. Puenu va ku votsika. Kati mu sindiye vantu ku simutuila ha cimpande ci mua liviukisila laza. Putukenu mu ku simutuila na vakuenu ha viuma vi vali na ku singanieka lelo. Lihulenu nguenu:

‘mizimbu ika ya tsimana?’
‘Viuma vika vali na ku simutuila cikuma vakuetu muimbo, ku vipanga na ku sikola?’

4. Talesesenu Vuino. Lihulenu nguenu:

‘Viuma vika ali na ku linga mu ntsimbu ino? Vika halumo ali na ku singanieka?’
‘Zalesi yendi cifua cali na ku solokelamo ndzivo yendi, ili na ku solola vimo ku tuala ha viuma via tsiliela ni cisemua ceni?’
‘Vuno citava ku handeka nendi ntsimbu ino?’

5. Puenu na ku Halakana Vuino.

Handekenu mu ku puisamo.
Ecenu muntu umu simutuila nendi a handeke visinganieka vieni. Lingenu vihula nga citondeka.

TALENU NAUA

Mat. 7:12; 1 Kol. 9:20-23; Fil. 2:4; Tia. 1:19

LEMENU VANTU—MU VA PUISE VANDONGESI