Vati Yesu ua lingile

Vi tu Lilongesa Kuli Yesu

2. Tue ku muesa nguetu tua lema vantu mu ku lihakela kapandi ka ku va kuasa linga va pue vandongesi.

 Kavenu Lungano lua Yesu

3. Puenu na kuendesa cilongesa ku cihela na ntsimbu ya litombola na ndongesi yenu ua Mbimbiliya. Halumo a hasa ku hangula limo litangua mu simano na ntsimbu. Vuno kuli ikeye ca cili ku lilongesela ku cihela ce ku pangela ni ku ndzivo yeni ni kuze kue ku hita mbunga. Lingeni muose mu mu hasela linga mu litombuese ku vize via tondeka ndongesi yenu.

4. Puenu na ku lilongesa ntsimbu yose. Nga ku mu kalako kati mu vatuisile cilongesa ca Mbimbiliya. Setekenu ku linga evi:

1.    Vuno citava cilongesa ci kaleko litangua lieka simano ize vene ni?

2.   Citava muendese cilongesa caco ku hitila mu video conferencia ni mu telefone?

3.   Vuno citava mu pinge umo mukua ku ambulula ueka endese cilongesa ni?

5. Puenu na ku vundila cizango ca ku mona viuma mu njila ya cili. Vundilenu kuli Yehova a mi kuase ku lihakela kapandi ka ku kuasa ndongesi yenu, cipue nga ce ku mu kaluuila ku lilongesa ni ku pangesa viuma vie ku lilongesa mu Mbimbiliya. (Filp. 2:13) Citava ndongesi yenu ua kala na vifua via cili, puenu na ku mu kundika mu vivundilo vienu. Linga mu tuale mana ku vifua vieni via cili.