Vati Yesu ua Lingile

Vi tu Lilongesa kuli Yesu

2. Nga tu longesa mu njila ya yasi vilongesa vietu vi ka ya vantu ku mutima kaha va ka hasa ku vi vuluka.

 Tambuluisenu Yesu

3. Kati mu handeke cikuma. Ku ci tondeka mu handeke viose vi mu tantekeya ku tuala ha cimpande caco. Tualenu mana ku vilongesa vili mu mukanda. Munima ya ku linga cihula lavelelenu na lukakatela cikumbululo ca ndongesi. Nga ka tantekeya cikumbululo ni a kumbulula mu ku handeka viuma vi liluisa na vize vi ya longesa Mbimbiliya, Mu lingeni vihula vikuavo vi mu kuase ku hilula ha cimpande caco. Nga ndongesi nevuisisa mua cili yenu ha cimpande ci na hatako.

4. Kuasenu ndongesi yenu a tokakane vilongesa via viha ku vize via tantekeya laza. Ca ku muenako ntsimbu kanda mu simutuile ha cilongesa ca handeka via cisangukilo. Mu hasa ku hituluka kavundende ha vika ndongesi yeni a tantekeya ku tuala ha vatsi.

5. Hangulenu vuino vimueso vienu. Ntsimbu kanda mu tumbule cimo cimueso, lihulenu nguenu:

1.    Vuno eci cimueso ca casi ku ci ivuisisa?

2.   Vuno ndongesi yange a ka ci ivuisisa ni?

3.   ‘Vuno ci ka kuasa ndongesi yange ku vuluka via na lilongesaho ni a ka vuluka lika cimueso?