KU PUTUKA KU SIMUTUILA
CILONGESA 4
Ku likehesa
Citume: “Mu ku konkama umo a yongole mukuavo mukua ku hiana ivene.”—Fil. 2:3.
Vati Paulu ua Lingile
1. Talenu VIDEO, ni tandenu Vilinga 26:2, 3. Kaha munima yaco hilulenu ha vihula vi na hatako:
-
Vati kapostolo Paulu ua muesele ku likehesa mu cifua ca handekelemo kuli muangana Angilipa?
-
Vati kapostolo Paulu ua tsimanesele Yehova na Visoneka mu cihela ca ku litsimanesa ikeye ivene?—Talenu Vilinga 26:22.
Vi tu Lilongesa kuli Paulu
2. Muzimbu uetu ue ku ya vantu ku mitima nga tu uzimbula mu ku likehesa na kasingimiko.
Kavenu Lungano lua Paulu
3. Puenu na ku muesa kasingimiko mu handekesi yenu. Kati mu pue na ku lisolola ngue yeni lika mu tantekeya viose kaha mukueni viahi. Muesenu kasingimiko mu ku handeka cenu.
4. Muesenu ha toma ngecize Mbimbiliya ya pua luvula lua vusunga vu mue ku longesa. Mu lizi lia Njambi mua kala mezi eku kuata vantu ku mitima kaha mu tue ku i pangesa, tue ku va kuasa ku tunga lutsilielo luavo ha luvula lua cili.
5. Lisimpitikenu. Kati mu sindiye vantu va mone ngue yeni lika muli na vusunga. Vutumbe vuetu kati ku kandula zimpata. Muesenu ku likehesa na ku kuata mutima. Tantekeyenu ntsimbu ya kuya. (Visi. 17:14; Tito 3:2) Ku muesa ku konkama ci hasa ku hana vukovelelo vua ku simutuila lukuavo ku lutue.
TALENU NAUA
Lom 12:16-18; 1 Kol. 8:1; 2 Kol. 3:5
