Timoteo ua puile umo mukuendze ua lemene ku kuasa vantu. Ua ile ku vihela via vingi. Ku enda aze mangendzi ca mu vuisile ndzolela ya kama. U tonda ku mu tantekeya vuino ni?—

Timoteo ua kolele mu mbonge i va lukile Listala. Tele a ci li kanike, kukueni ua mpuevo Loisi na naye Yunisi, va putukile ku mu longesa via Yehova. Ngeci, mua kolele ua tondele ku kuasa vakuavo va lilongese via Yehova.

Timoteo tele a ci li mukuendze, Paulu ua mu hulile nga ci tava ku enda neni mangendzi mu ku ambuluila ku vihela vieka. Timoteo ua tavele ngueni: ‘Citava!’ Ua lihanene ku ya mu ku kuasa vakuavo.

Timoteo ua ile na Paulu mu mbonge ya Tesalonika ku Masendonia. Vendele tunda ya kama ha mikono kaha va londele vuato linga va heteko. Mu va ka heteleko va kuasele vantu vavengi ku lilongesa via Yehova. Vunoni vamo va nienguele kaha va tondele ku va vulumuna. Ngeci va Paulu na Timoteo va fumineko va ka ambuluile ku vihela vieka.

Mu nima ya vimo vingonde, Paulu ua vundilile Timoteo a hiluke ku Tesalonika mu ku meneka vamuanaye vakua Kilistu. Ku hilukila ku mbonge ize ca tondekele ku simpa cikuma! Vunoni Timoteo ua ileko muomu uomine mutima hali vamuanaye va keleko. Muezile ua nehele muzimbu ua cili kuli Paulu. Vamuanaye ku Tesalonika va kele mua cili!

Timoteo ua pangele na Paulu miaka ya ingi. Ntsimbu imo, Paulu ua sonekele ngecize Timoteo ikeye ua fuilile ku mu tuma mu ku kuasa vikungulukilo, muomu Timoteo ua lemene Yehova na vantu.

Nove ua lema vantu kaha u tonda ku va kuasa va lilongese via Yehova ni?—Nga mukemuo, u hasa ku yoya muono ua cili ua ndzolela, ngue Timoteo!