Mbimbiliya ka ya ambuluile vusunga ku tuala lika ha viuma via solokele ku nima, vunoni ya lombolola naua viuma vika soloka ku lutue. Vantu ka va hasa ku lombolola viuma vika soloka ku lutue. Vikevio vi tua tantekeyela nguetu Mbimbiliya ya fuma kuli Njambi. Vunoni vika ya handeka Mbimbiliya ku tuala ha viuma vika soloka ku lutue?

Mbimbiliya ya handeka via ndzita ya kama ya Njambi. Mu ndzita yaco Njambi a ka lelesa mavu mu ku fumisaho vupi na vantu va vapi, vunoni a ka niunga vakua ku mu pangela. Muangana ya hangula Njambi, Yesu Kilistu ikeye a ka vi puisamo linga vangamba va Njambi va ka viukilile na ku yoya mu ciyulo, kaha ka va ka vavala cipue ku tsa.

Tua pande ku santsela cikuma Njambi muomu a ka neha palandaizi ha mavu, ni vati? Vunoni kuli vimo vi tua pande ku linga nga tu tonda kua ku yoyela mu palandaizi. Mu muzimbu ua ku manusuila ua lino livulu tu ka lilongesa vika tua pande ku linga amba tu ka tambule viuma via cili via na tulikila Njambi vose vaze ve ku mu pangela. Ngeci mukemuo, tanda MUTAMBA 8 linga u tantekeye vika ya handeka Mbimbiliya vika soloka ku lutue.