Ou mutamba ua putuka na vimpande via mu Visoneka via ciNgelengu. Yesu ua semukilile ku vusoko vua vuhutu vua kele mu imo mbonge ya indende. Ua pangele na ise, ua puile kalupindelu. Yesu ikeye uezile mu ku ovola vantu. Yehova ua mu hanguile ku pua Muangana ua Vuangana vua muilu. Nga mua pua cisemi kuasenu muanenu a tantekeye vunongotima vua muesele Yehova mu ku hangula vusoko na cihela ca ka kolela Yesu. A tale vati Yehova ua niungile Yesu linga kati va mu tsihe kuli Helonde na ku mona ngecize ka kuesi cuma ci hasa ku honouesa Yehova ku puisamo vutumbe vueni. A tantekeye vati Yehova ua hanguile Yoano a viukisile Yesu njila. Tsindikenu vati Yesu ua muesele ngecize tunde ku vunike, ua lemene ku lilongesa via Yehova.