Uno mutamba ua handeka via mizimbu ya muono ua Muangana Saulu na Muangana Ndaviti mu miaka i heta 80. Ha katete, Saulu ua puile ua ku likehesa na ku vuila Njambi vuoma, vunoni mu ntsimbu ya indende ua alulukile na ku viana ku kava vitume via Yehova. Ngeci Yehova ua mu vianene, kaha mu nima yaco, ua lekele Samuele ku hangula Ndaviti ku pua muangana ua Isaleli. Omo lia cipululu Saulu ua setekele ku tsiha Ndaviti vintsimbu via vingi, vunoni Ndaviti ka linguile. Yonatase, muana Saulu, ua tantekeyele ngecize Ndaviti ikeye ya hanguile Yehova, ngeci ua kele na lukakatela na Ndaviti. Vutuhu Ndaviti ua lingile vupi vua kama, vunoni ka vianene ku mu sungamesa kuli Yehova. Nga mua pua cisemi, kuasenu  muanenu a mone seho ya kala ha ku hakuila vitume via Njambi ntsimbu yose.