Yehova ua vezikisile Solomone na mana a ku hiana na ku mu vezikisile naua ku tunga tembele, vunoni kavundende-kavundende ua sezele Yehova. Nga mua pua cisemi, lomboluelenu muanenu vati ku lemesa ca makuli ca lingisile Solomone ku seza Njambi. Vuangana vua litepele ha kati, kaha vamiangana va vapi hangumuine cifuti ku pua vakua ku luisa na ku lemesa tumponia. Ku ntsimbu yaco, cingi ca vapolofeto va Yehova va va luisile na ku va tsiha. Lisano ua mupi Yezevele ua pihisile cikuma vuangana vua ku nolote na ku vu lingisa ku pua vua ku luisa. Eyi ya puile ntsimbu ya ikalu mu mizimbu ya Isaleli. Vunoni ku ntsimbu yaco kasi kua kele vangamba va Yehova vakua ku ononoka, ngeci mua Muangana Yehosafate na kapolofeto Eliya.