CILONGESA 7
Vika Vuangana vua Njambi?
1. Vika Vuangana vua Njambi?
Vika via lingisa Yesu ku-pua Muangana ua cili?—MAKO 1:40-42.
Vuangana vua Njambi ya pua Nguvulu ya muilu. Vuka fumisako ma vuangana ose, na ku puisamo cizango ca Njambi va ci linge muilu na ha Mavu. Ku iza ca vuangana vua Njambi ua pua muzimbu ua cili. Vuovuno vuangana vua Njambi vu ka puisamo cizango ca vantu ca ku kala na vuangana vua cili. Vuangana vua Njambi vuka pandakana vantu vose linga va ka yoye mu ciyulo ha mavu.—Tandenu Ndaniele 2:44; Mateo 6:9, 10; 24:14.
Vuangana vuose vue ku kala na Muangana. Ngeci Yehova ua hangula muaneni Yesu kupua Muangana ua vuangana vua Njambi.—Tandenu Kusolola 11:15.
Talenu video Vika Vuangana vua Njambi?
2. Omo lia vika Yesu na fuila ku-pua Muangana?
Muana Njambi na fuila ku-pua Muangana muomu ua ku konkama kaha ue ku imanena vucili. (Mateo 11:28-29) A li na ngolo ya ku kuasa vantu vose muomu aka sika ha mavu ku fuminina muilu. Mu nima ya ku sanguka ceni Yesu ua londele muilu na ku ka vandamena ku livoko lia cilio lia Yehova. (VaHevelu 10:12, 13) Noho Yehova ua mu hele mpoko ya ku sika.—Tandenu Ndaniele 7:13, 14.
3. Veya vaka sika hamo na Yesu?
Cimo civunga ci va sana nguavo “vakua ku lela” cika sika hamo na Yesu muilu. (Ndaniele 7:27) Va ku livanga va va hanguile ku ka yoya muilu va puile va ndongesi va Yesu. Yehova ntsimbu kasi a li na ku hangula vamala na vampuevo vakua lutsilielo lua vusunga na ku va puisa vaku lela. Ngeci mua Yesu ava vakua ku lela veku sanguka na muvila ua Sipilitu.—Tandenu Yoano 14:1-3; 1 Kolintiu 15:42-44.
Vantu vangahi vaka ya muilu? Yesu ua va sanene ngueni “kavutanga.” (Luka 12:32) Vaku pua 144.000. Vaka sika ha mavu hamo na Yesu.—Tandenu Kusolola 14:1.
4. Vika via lingile Yesu mua putukile ku sika?
Vuangana vua Njambi vua putukile ku sika mu muaka ua 1914. * Cuma livangele panga Yesu mua tambuile vuangana ca puile ku sekula Satana na va vandemone veni ha mavu. Satana ua tenukile mua kama ngeci ua putukile ku kokela lamba vantu vose ha Mavu. (Kusolola 12:7-10, 12) Fume haze tuyando tua vantu tu na lana cikuma. Zindzita, Ndzala na mandunduma viose via pua vitantekeyeso vi muesa ngecize vuovuno vuangana vua Njambi vuka manusula visoti via vantu.—Tandenu Luka 21:7, 10, 11, 31.
5. Vika vuka linga Vuangana vua Njambi?
Ku hitila mu cipanga ca kuambulula mezi a cili, vuangana vua Njambi vu li na ku pandakana vantu va ku vifuti viose. Yesu na pu Muangana ua makulukazi a vantu vaku konkama vali ha mavu. Vuangana vua Njambi vu kava niunga omo vuka nongesa vantu vose va vapi. Eci ci tu lekesa ngecize vose va tonda ku ka yoya mu vuangana vua Njambi va na pande kuli longesa ku-ononoka kuli Yesu mu tsimbu ino.—Tandenu Kusolola 7:9, 14, 16, 17.
Mu likulukazi lia miaka, vuangana vua Njambi vuka puisamo vutumbe vua Yehova ku vantu. Mavu ose a ka pua citungu. Kaha Yesu aka hiluisila vuangana kuli Ise. (1 Kolintu 15:24-26) Kuli umo i ua tantekeya i u tonda ku ka lekako via vuangana vua Njambi ni?—Tandenu Visamo 37:10, 11, 29.
^ cin. 6 Nga u tonda ku tantekeya via vupolofeto vu lombonona muaka ua 1914, tanda mafo 215-218 mu livulu Vika Mpundu vi i Longesa Mbimbiliya?
