“Va vezika vaze vevua lizi lia Njambi na ku li niunga!”​—Luka 11:28, Mbimbiliya ya ku Lela.

U ka uana cilemo ca vusunga.​—Efeso 5:28, 29.

U ka tambula kasingimiko ka ku fuma ku mutima.​—Efeso 5:33.

Mu ka likulahela umo na mukuavo ntsimbu yose.​—Mako 10:6-9.

Eyo, omo lia ovu vusunga vuvali:

• Njambi ikeye ua tumbikile vusoko. Mbimbiliya nguayo ‘vusoko vuose vua tambula mazina avuo’ kuli Yehova Njambi. (Efeso 3:14, 15) Eci ca muesa ngecize kua kala vusoko muomu Yehova ua vu tangele. Seho ika ya kalaho?

  Aci singanieke: Nga va na ku zumbula via-ku-lia via ku tovala cikuma kaha u tonda ku tantekeya na vika va na vi teleka, kuli iya u ka hula? Kuli uze na vi teleka, ni vati?

  Na vuno vene nga tu tonda ku tantekeye vika vie ku neha ndzolela ha ndzivo, tua pande ku hula Yehova, muomu ikeye ua tumbikile vusoko.—Njenisisi 2:18-24.

• Njambi ua mi haka seho. Vakua ndzivo ve ku kala mua cili nga vononoka ku masiko a Yehova a mu Mbimbiliya. Omo lia vika? “Muomu ikeye a mi lela.” (1 Petulu 5:6, 7) Yehova a tonda mu yoye mua cili—kaha vimamuna vieni via kala na seho ntsimbu yose!—Visimo 3:5, 6; Isaya 48:17, 18.