Vulo
Vati vua putukile vulo?
Njen. 1:27, 28; 2:22-24; Mat. 19:4-6
Iya ya na pande ku hangula Mukua Kilistu mu ku liambata neni?
Omo lia vika Mukua Kilistu ua vusunga ka tava muaneni ambate ni ku somboka ku muntu ka puile ngamba ua Yehova ua ku mbatiza?
1 Kol. 7:39; 2 Kol. 6:14, 15
-
Malungano a mu Mbimbiliya:
-
Njen. 24:1-4, 7—Civendzi Avilahama ua hanguile ku tondela muaneni mpuevo ha kati ka vangamba va Yehova, kati ha kati ka vakua Kanana vakua ku lemesa vanjambi va makuli
-
Njen. 28:1-4—Isake ua mamuine muaneni Yakomba ngueni kati a ka ambate mpuevo ua ku Kanana, vunoni ua pandele ku uana mpuevo mukua ku lemesa Yehova
-
Vati ue ku livua Yehova nga umo ngamba yeni a liambata na muntu ke ku mu pangela?
Ndeu. 7:3, 4
-
Malungano a mu Mbimbiliya:
-
1 Vam. 11:1-6, 9-11—Muangana Solomone ua ambatele vampuevo va ku vifuti vieka, vutuhu lisiko lia Yehova lia vindikile ku lingamo; Yehova ua nienguele cikuma na Solomone muomu vampuevo vaco va mu hungumuine mu ku lemesa ca makuli
-
Neh. 13:23-27—Mu ku tambuluisa Yehova, Nguvulu Nehemiya ua hele kasitiku na ku sungamesa vaIsaleli va ambatele vampuevo va ku vifuti vieka
-
Vika ca puila ca seho ku hangula ku liambata na muntu ue ku pangela Yehova kaha ua kala na vilinga via cili?
Visi. 18:22; 31:10, 28
Talenu naua Efe. 5:28-31, 33
-
Malungano a mu Mbimbiliya:
-
1 Sam. 25:2, 3, 14-17—Navale ua puile mpite, vunoni naua cikenia na mukua mutima ua ku vihia, evi via mu puisile cihutu kuli mpueyeni Avingaile
-
Visi. 21:9—Nga ka tu hangula vuino muntu ua ku liambata neni, tu hasa ku likokela muono ua vusiua na ku zimbalesa ciyulo cetu
-
Loma 7:2—Kapostolo Paulu ua handekele ngueni mpuevo mue ku somboka, ue ku kala honi muintsi lia ku tuamenena ca yalieni ua ku hona ku tantuluka; ngeci mukemuo, mpuevo ua mana ue ku hangula vuino muntu ya somboka
-
Ku liviukisila vulo
Omo lia vika yala na pande ku liviukisila mua ku niungila vusoko vueni ntsimbu kanda ambate?
1 Tim. 5:8
-
Malungano a mu Mbimbiliya:
-
Visi. 24:27—Ntsimbu kanda ambate halumo na ku kala na vana, yala na pande ku fuitangana linga a liviukisile vualumo mua ku niungila vusoko vueni
-
Omo lia vika vaze va tonda ku liambata va na pande ku pinga vimamuna na ku lihakela kapandi ka ku litantekeya vuino, mu cihela ca ku tuala lika mana ku ku vuaha ca umo na mukuavo?
Visi. 13:10; 1 Pet. 3:3-6
-
Malungano a mu Mbimbiliya:
-
Lute 2:4-7, 10-12—Mboaze ua tantekeyele Lute mu ku tala ku pangesi yeni na ku hilula mizimbu ya vuile ku vantu va ca tavele ku kulahela, ku tuala ha cifua ca kuaselelemo vusoko na lutsilielo lueni
-
Lute 2:8, 9, 20—Lute ua tantekeyele Mboaze mu ku tala ku ngozi, vuhuanga na cilemo ceni kuli Yehova
-
Omo lia vika Yehova ua tonda vaze vali na ku litantekeya va liniunge ku vilinga via mazilo?
Ngal. 5:19; Kolo. 3:5; 1 Tes. 4:4
-
Malungano a mu Mbimbiliya:
-
Visi. 5:18, 19—Vimo vifua via ku limueselamo cilemo via pua lika via vaze va liambata
-
Mua. ua Sol. 1:2; 2:6—Mu ntsimbu ya ku litantekeya cavo, kaniungi na Sulamita va limuesele cilemo mu njila ya ku lela
-
Mua. ua Sol. 4:12; 8:8-10—Sulamita ua tualeleho ku lela na ku lipokuesa; ngeci va mu setekesa na muhaka ua ku soka
-
Omo lia vika vose va tonda ku liambata va pande ku lingamo kuliya na masiko a nguvulu?
Mat. 22:21; Loma 13:1; Tito 3:1
Kapandi ka yala
Viteli vika via seho Yehova ua hana kuli yala?
Efe. 5:23, 25, 28-31, 33
Lungano lueya na pande ku kava yala Mukua Kilistu mu ku pua mutue?
1 Kol. 11:3; Efe. 5:23
Vika ca puila ca seho kuli yala ku kala na liano na ku muesa cilemo kuli mpueyeni?
Kolo. 3:19; 1 Pet. 3:7
-
Malungano a mu Mbimbiliya:
-
Njen. 21:8-12—Yehova ua lekele Avilahama a halakane Sala, vutuhu nguli yeni ka ya mu ile ku mutima
-
Visi. 31:10, 11, 16, 28—Yala ua mana u va tumbula ku vinimbu evi, ka puile cikolonia ni mukua ku tuala mana ku visevuka via mpueyeni. Vunoni ua mu kulahelele na ku mu sangala.
-
Efe. 5:33.—Kapostolo Paulu va mu huiminine ku soneka ngecize mpuevo ua tondeka ku tantekeya ngecize yalieni ua mu lema
-
Kapandi ka mpuevo
Citeli cika Yehova ua hana ku vampuevo va ku somboka?
Njen. 2:18; Kolo. 3:18; Tito 2:4, 5
Vuno vampuevo va kala na seho ya indende omo lia citeli ci va tambula ni?
Njen. 1:26-28, 31; 2:18
-
Malungano a mu Mbimbiliya
-
Visi. 1:8; 1 Kol. 7:4—Njambi ua hana mpuevo ua ku somboka ni cisemi ua mpuevo, imo mpoko mu vusoko na mu vulo
-
1 Kol. 11:3—Kapostolo Paulu ua lombololuele ngecize kuliya na cifua ca tumbikila Yehova viuma, vose va kala na vinginga ku tundisako Njambi
-
VaHe. 13:7, 17—Vose mu cikungulukilo va na pande ku ononoka na ku tava ku tuamenena ca vakuluntu
-
Vati mpuevo ua somboka kuli yala ke ku pangela Yehova, a hasa ku zolesa mutima ua Yehova?
1 Kol. 7:13-16; 1 Pet. 3:1, 2
Omo lia vika mpuevo Mukua Kilistu ue ku muesa kasingimiko kuli yalieni?
Efe. 5:33
-
Malungano a mu Mbimbiliya:
-
Njen. 18:12; 1 Pet. 3:5, 6—Sala ua muesele kasingimiko ka kama kuli yalieni na ku mu mona ku pua ngue “sukulueni” ni mutue ueni mu lutsilielo
-
Mbimbiliya ya sangala mpuevo ua cifua cika?
Visi. 19:14; 31:10, 13-31
-
Malungano a mu Mbimbiliya:
-
Njen. 24:62-67—Lembeka ua lembeziekele yala lieni ku uana ku huima mu nima ya kutsa ca naye
-
1 Sam. 25:14-24, 32-38—Avingaile ua niungile yala lieni, uze ua puile cikenia na ku likehesa cose ua vundilile Ndaviti linga kati a linge vupi
-
Est. 4:6-17; 5:1-8; 7:1-6; 8:3-6—Lisano Estele ua hakele muono ueni mu vusonde na ku ka lisolola kuli yala lieni ua puile Muangana, linga ohiele vantu va Njambi
-
Mua ku manusuila visoti
Vitume vika vi hasa ku kuasa vaze va liambata ku manusula visoti?
1 Kol. 13:4-8; Efe. 5:33; Kolo. 3:12-14
Vitume vika vi hasa ku kuasa vaze va liambata ku mona vimbongo mu njila ya cili?
Luka 12:15; Filp. 4:5; 1 Tim. 6:9, 10; VaHe. 13:5
Talenu naua “Vimbongo”
Vitume vika vi hasa ku kuasa vaze va liambata ku tuala ha ku vusolo na visemi vavo?
Visa. 34:14; Mat. 19:5, 6; 1 Kol. 13:4, 5
Vitumbe vika vi hasa ku kuasa vaze va liambata ku tuala ha ku limona ku mivila?
Visi. 5:15-20; Mat. 5:27, 28; 1 Kol. 7:3-5; 10:24; Filp. 2:4; VaHe. 13:4
Vika ca puila ca seho ku yoya vuino na vakuetu ku ndzivo?
Visa. 103:14; 130:3, 4; Visi. 17:9; 1 Pet. 4:8
Vika ca puila ca seho ku manusula visoti na cilemo na ku viana nkulundundu?
Visa. 37:8; Visi. 14:29; Efe. 4:26, 27; Tia. 1:19, 20
Vika Vakua Kilistu ka va pandele ku singanieka ngecize ku liveta na ku licokota, ya pua njila ya cili ya ku manusuilamo visoti?
Visa. 11:5; Ngal. 5:19-21; Efe. 4:31, 32; Tito 3:2
Nga ku na soloka vitanga, va yala na mpuevo cizango cavo ci na pande ku pua cika?
Visa. 34:14; Mat. 5:9; Loma 12:17, 18, 21
Vivezikiso vika vie kuiza mu vulo vue ku kava masiko a Yehova?
Ekel. 4:9-12
Vitume via mu vulo
Vika Mbimbiliya ya handeka ku tuala ha ku limona ku mivila mu vulo?
Visi. 6:32; Mat. 5:27, 28; 1 Kol. 6:9, 10; VaHe. 13:4
Vati Vakua Kilistu ve ku muenamo vuhale?
Mat. 19:8, 9; 1 Kol. 7:2; 1 Tim. 3:2, 12
Vati tua tantekeya nguetu vulo vua pande ku pua lika vua yala na mpuevo?
Njen. 2:18, 22, 24; Mat. 19:4-6; Loma 1:23-27
Omo lia vika vaze va liambata va na pande ku tualelelaho ku niunga vulo vuavo?
Mako 10:6-9; Loma 7:2, 3; 1 Kol. 7:10, 11
Kuliya na Mbimbiliya, vika vi hasa ku tsiha vulo?
Vati Yehova ue ku livua ku tuala ha ku tsiha vulo omo lia viuma via ngoco?
Mal. 2:13-16
Vuno citava ku ambata ni ku somboka naua, nga yala ni mpuevo a tsa ni?
Loma 7:2, 3; 1 Kol. 7:39
Halumo mu Hasa ku Lema Naua Evi
VINGILENU!
Masoko a Ndzolela—Ku Pangela Hamo
Vuno nenu na mukua ndzivo yenu mua pua ngue vantu va yoyela mu ndzivo imo lika ni?
VUTALA VUA KANIUNGI (VUA KU LILONGESA)
Enu Vamala mua Ambata Yoyenu Vuino na Vampuevo Venu
Citava ku kala na vimbongo via vingi ha ndzivo vunoni kasi ndzolela yahi.
YETU VEYA
Vundilenu Cilongesa
Simutuilenu ku tuala ha vihula via mu Mbimbiliya ni lilongesenu via vingi ku tuala ha Vakaleho va Yehova.
