Livulu Visoneka via mu ku Yoya Cetu Vakua Kilistu li mi kuasa ku uana vinimbu na mizimbu ya mu Mbimbiliya, vize vi hasa ku mi kuasa mu visoti vi mue ku lihita navio. Li mi kuasa naua ku uana vinimbu via cili via ku kaniamesa navio vakuenu ni vi va kuasa ku linga vihangula vie kuya Yehova ku mutima. Mu hasa ku tonda lika cimpande kaha mu uanaho vihula na mizimbu ya mu Mbimbiliya. (Talenu cikasa “ Mua ku Pangesela Lino Livulu.”) Mu uanamo naua vimamuna via vingi, ku tuamenena na ku lembezieka via mu Visoneka. Mu ka uanamo naua vupite vua mu lutsilielo ni nguetu vinimbu via ku kaniamesa, ku kuasa, ku mamuna na ku lembezieka navio vakuenu.

Lino livulu ka lia nonekele vinimbu viose via likuata na cimpande, vunoni li hasa ku pua vuputukilo vua cili mu ku tondesesa cenu. (Visimo 2:​1-6) Linga hinde mua kama cimo cimpande, pangesenu vinimbu via ku mikulo na vintsina via vilongesa via mu Mbimbiliya ya Tradução do Novo Mundo. Pangesenu Guia de Pesquisas ni Índice das Publicações linga mu hase ku ivuisisa vuino Visoneka na ku tantekeya mua ku vi pangesela mu muono. Talenu vintsina via muesa viuma vi tuhuka vuovuno linga muendele hamo na ku ivuisisa ca ciha.

Tua vundila nguetu livulu Visoneka via mu ku Yoya Cetu Vakua Kilistu li mi kuase ku uana mana, mangana, na ku ivuisisa Visoneka via ku Lela. Ku pangesa lino livulu, ci ka vuezelela ku vusunga vu mua kala navuo ngecize “lizi lia Njambi li li na muono, lia takama.”—VaHe. 4:12.