CILONGESA 13
Malombelo a Makuli eku Sondolola Vantu Kuli Njambi
Nga Njambi ikeye cilemo, omo lia vika vakua malombelo ni nguetu vakua viIgreja ve ku linga vupi? Kati nga vakevo va na pande ku linga via cili ni? Ku kumbulula evi vihula muvatu, malombelo aco a pua a makuli. Ngeci vilinga viao, vie ku sondolola vantu kuli Njambi. Mu njila ika? Vati vilinga viao vie ku vuisa Njambi ku mutima? Kaha tangua Njambi a ka lingako mumo ni?
1. Vati malombelo eku sondolola vantu kuli Njambi ku hitila mu vilongesa viavo?
Vulombelo vua makuli, vua “landakanene vusunga vua Njambi na makuli.” (Loma 1:25) Ca ku muenako, vakua malombelo a engi, ka ve ku longesa vantu vavo lizina lia Njambi. Vunoni Mbimbiliya ya muesa ngecize lizina lia Njambi lia pande ku lipangesa. (Loma 10:13, 14) Cikuavo naua, nga ku na soloka mponde, vamo vakuluntu va malombelo ve ku handeka nguavo, cizango ca Njambi. Vunoni makuliavo. Njambi kati ikeye ue ku koka vupi. (Tandenu Tiango 1:13.) Kaha ca vusiua ku handeka nguetu, evi vilongesa vie ku sondolola vantu kuli Njambi.
2. Vati malombelo eku sondolola vantu kuli Njambi ku hitila mu vilinga viao?
Malombelo a makuli ka eku muesa ngozi ku vantu ngue mue ku linga Yehova. Mbimbiliya nguayo vipi via vakua malombelo a makuli “vi na hete na muilu vene.” (Ku-Solola 18:5) Mu miaka ya ingi, malombelo a makuli, eku lihaka mu pulitika, ku kuasa vindzita ni ku koka ku-tsa ca makulukazi na makulukazi a vantu, ni vene ku ci tava. Vamo vakuluntu va malombelo ve ku kakateya vantu vavo ku lambula vimbongo via vingi. Kaha vakevo ve ku pangesa vimbongo viaco mu ku yoya vuino. Evi vilinga viavo, via muesa ngecize ka va tantekeya Njambi kaha ka vesi na mpoko ya ku mu imanena.—Tandenu 1 Yoano 4:8.
3. Vati Njambi ue ku livua ku mutima ku tuala ha malombelo a makuli?
Nga viuma vi ve ku linga vakua malombelo a makuli, vie ku mi vuisa matoto, mu ku mona cenu vati vie ku vuisa Yehova? Yehova ua lema vantu, vunoni ue ku ivua vutenu vua vakuluntu va malombelo vaze ve ku longesa makuli ku tuala hali ikeye na ku yandesa vantu vavo. Ua kulahesa ngecize civunga cose ca malombelo a makuli ni nguetu Mbambilone ya kama, va ka i nongesa, “kaha va ka i uana naua na kumo kuahi.” (Ku-Solola 18:21) Kua lisupu ntsimbu ya indende linga Njambi a nongese malombelo ose a makuli.—Ku-Solola 18:8
TANTEKEYENU VIKUAVO
Hilulenu naua vikuavo, ku tuala ha vati malombelo a makuli eku vuisa Njambi ku mutima. Tantekeyenu viuma vikuavo vi a linga malombelo a makuli, kaha nomo lia vika viuma via co ka via pandele ku mi tangula ku tantekeya Yehova.
4. Njambi ke ku tava malombelo ose
Vavengi, va tsiliela nguavo malombelo a pua ngue vinjila via ku liseza-seza, vunoni viose viaya kuli Njambi. Vuno cili vene ni? Tandenu Mateo 7:13, 14, kaha simutuilenu ha cihula ci na hatako:
-
Vika ya handeka Mbimbiliya ku tuala ha njila i tuala ku muono?
Talenu VIDEO, kaha simutuilenu ha cihula ci na hatako.
-
Vuno Mbimbiliya ya muesa ngecize malombelo a engi eku ya Njambi ku mutima ni?
5. Malombelo a makuli ka eku muesa cilemo ca Njambi
Malombelo a makuli, eku sondolola vantu kuli Njambi mu vinjila via vingi. Kaha imo njila ya ku vihia cikuma, ya pua ku lihaka mu vindzita. Ku ambulula nkala livindi. Ngeci mukemuo, talenu VIDEO. Na ku simutuila ha vihula vi na hatako.
-
Vika a lingile malombelo a engi mu Ndzita ya mu Civali ya Mavu Ose?
-
Vati viuma vi va lingile vili na ku mi vuisa ku mutima?
Tandenu Yoano 13:34, 35 na 17:16. Kaha simutuilenu ha vihula vi na hatako:
-
Vati Yehova ue ku livua ku mutima nga vakua malombelo va likovelesa mu vindzita?
-
Vakua malombelo a makuli, ve ku linga viuma via ku vihia via vingi. Mu vinjila vika vi mua limuena nenu, vulombelo vua makuli vua honoua ku tambuluisa cilemo ca Njambi?
Malombelo a makuli ka eku tambuluisa cilemo ca Njambi
6. Njambi a tonda ku patula vantu ku malombelo a makuli
Tandenu Ku-Solola 18:4, a kaha simutuilenu ha cihula eci:
-
Vati muli na ku livua ku mutima, mu nima ya ku tantekeya ngecize Njambi a tonda ku patula vantu ku malombelo a makuli?
7. Tualelelenuho ku lilongesa via Njambi ua vusunga
Vuno vilinga via vakua malombelo a makuli, via pande ku tanganesa cifua ci mue ku muenamo Njambi ni? Aci singaniekenu nga kanike a sembulula vimamuna via mana vie ku mu hana ise. Kaha a tunda ha ndzivo na ku likovelesa mu vulinge vua ngoco. Tu vose tu tantekeya nguetu vilinga via uze muana ka vi kaya ise ku mutima. Omo lia vika ci puila vuhenge, ku tuika ise mulonga ua vilinga via muana?
-
Vuno ci pua vuoloke, ku tuika Yehova mulonga ua vilinga via vakua malombelo a makuli na ku viana ku mu tantekeya ni?
VAMO VE KU HANDEKA NGUAVO: “Ka nje ku tonda ku tantekeya Njambi muomu vakua malombelo ve ku linga vupi vua vuingi cikuma.”
-
Nenu mue ku livua ngoco ni?
-
Omo lia vika vilinga via vakua malombelo a makuli, ka via pandele ku tu lingisa ku zinda Yehova?
VI MU NA LILONGESA
Malombelo a makuli eku sondolola vantu kuli Njambi ku hitila mu vilongesa viavo via makuli na vilinga viavo via ku pihia. Njambi tangua a ka a nongesa.
Mpupulule
-
Vati muli na ku livua ku mutima ku tuala ha vilongesa na vilinga via vakua malombelo a makuli?
-
Vati Yehova ue ku livua ku tuala ha malombelo a makuli?
-
Vika Njambi a ka linga ku malombelo a makuli?
KONKENUHO
Tantekeyenu viuma vivali vi eku linga malombelo a engi vize ka vie kuya Njambi ku mutima.
Omo lia vika Njambi ua tonda tu mu lemese hamo lika na vakuetu?
“Vuno ku Kala ca ku Hona Vulombelo ca pua Citanga Ni?” (Cimpande ca mu saiti)
Umo mukuluntu ua vulombelo ua zindile viuma vi va kele na ku linga ku vulombelo vua kele. Vunoni evi ka via mu tanguile ku lilongesa vusunga ku tuala hali Njambi.
Mu miaka ya ingi, malombelo a makuli eku longesa viuma vize vie ku lingisa Njambi ku soloka ngue cikenia kaha ka hakele seho ku vantu. Tantekeyenu vusunga ku tuala hali amo makuli aco atatu.
“Mentiras que afastam as pessoas de Deus” (A Sentinela, 1 de Novembro, 2013)
Halumo mu Hasa ku Lema Naua Evi
VIHULA VI VE KU LINGA CIKUMA VANTU
Vika via pua Cilongesa ca Mbimbiliya?
Uanenu vikumbululo ku tuala ha vilongesa vietu via Mbimbiliya via vuana.
