Vuno muli na ku livua ngecize cilemo cenu kuli Yehova ca livuezelela, tunde ha mua putukila ku lilongesa Mbimbiliya ni? Vuno mu tonda ku tualelelaho ku kaniamesa vusamba vuenu neni ni? Nga mukemuo, vulukenu ngecize omo Yehova a ka mona ku livuezelela ca cilemo cenu kuli ikeye, neni a ka vuezelela ku mi lema na ku mi niunga. Vati mu hasa ku muesa ngecize mua mu lema?

1. Vati tu hasa ku muesa Yehova ngecize tua mu lema?

Tue ku muesa cilemo cetu kuli Yehova mu ku mu ononoka. (Tandenu 1 Yoano 5:3) Yehova, ke ku kakateya na umo uahi ku mu ononoka. Vunoni ue ku tu hana vukovelelo vua ku lihanguila nga tu mu ononoka ni kuahi. Omo lia vika? Muomu Yehova ua tonda tu mu ononoke ku tundilila “ku mutima.” (Loma 6:17) Eci ca lomboloka ngecize ka tondele tu mu ononoke ku ntsindiye, vunoni tu lingemo omo lia ku mu lema. Vinanga 3 na 4 via lino livulu, vi ka mi kuasa ku muesa cilemo cenu kuli Yehova mu ku linga vize via muya ku mutima na ku viana ku linga vize via zinda.

2. Omo lia vika ci hasa ku puila ca cikalu ku muesa cilemo cenu kuli Yehova?

“Tua tuingi tuyando tua mukua vuviuke.” (Visamo 34:19) Tu vose tue ku pinda na ku hona ku tantuluka cetu. Kaha naua halumo tuli na ku pinda na visoti via vuhutu, vuhenge na vikuavo. Nga tuli na ku pinda na vimo visoti, ci hasa ku tu puila ca cikalu ku linga muaya cizango ca Yehova. Muomu ci hasa ku pua ca casi ku linga vupi. Vunoni nga mu tualelelaho ku linga cizango ca Yehova, mu ka muesa ngecize mua mu lema ku hiana viuma viose. Kaha mu ka muesa naua ngecize mua pua vakua lukakatela kuli ikeye. Omo liaco, neni a ka pua mukua lukakatela kuli yenu. Na limo litangua liahi a ka mi seza.—Tandenu Visamo 4:3.

4. Zolesenu mutima ua Yehova

Tandenu Visimo 27:11, kaha simutuilenu ha vihula evi:

• Vati Yehova ue ku livua ku mutima nga mu muesa mana na ku mu ononoka? Omo lia vika?

 5. Citava mu pue vakua lukakatela kuli Yehova

6. Ku ononoka Yehova ce ku tu kuasa

Ntsimbu yose ku ononoka Yehova cikeco cihangula ca cili. Tandenu Isaya 48:17, 18, kaha simutuilenu ha vihula evi:

• Mu ku mona cenu, vuno citava tu tsiliele ngecize Yehova ikeye a tantekeya vize via cili kuli yetu ntsimbu yose ni? Omo lia vika?

• Vati ku lilongesa Mbimbiliya na via Yehova Njambi ca mi kuasa na hano?

 VI MU NA LILONGESA

Mu hasa ku muesa cilemo cenu kuli Yehova mu ku ononoka na ku pua vakua lukakatela kuli ikeye ambe mu ntsimbu ya visoti.

Mpupulule

• Vika mua lilongesa ku lungano lua Yombi?

• Vati mu ka muesa cilemo cenu kuli Yehova?

• Vika vi ka mi kuasa ku tualelelaho ku kakatela kuli Yehova?